jauah balayangkan-pandang dakek batukiakkan- antaro sasayuik mato mamandang-tampak candonyo lautan basa-batamu dangan tapi langik-antaro lauik jo tapi langik-ado kalompok gadang ketek-mahitam nampak dari jauah-disangko gosong bukan
gosong-antah apo ikolah garan-antah pulau banyak baserak. Lalu
dihetong pulau nantun-kurang aso dari duo puluah-ado di tangah
tigo basilang-disangko ujuang bukannyo ujuang-endah nan
bukan alang-alang-tacangang inyo mamandangi. Dek lamo lambek
mancaliak-lah pueh raso mamandangi-lalulah turun maso itu-
turun ka bawah batang kayu. Lah sampai inyo di bawah-mako
dirambah kiri kanan-sambia bapikia dalam hati-tumbuah panga-
na maso itu-iyolah Datuak Tumangguang Putiah.
Apolah garan jadi pangana-pikiran baiak maso itu-kok iyo darek ka barantau-kok iyo rantau nak badarek- rancak dibaiki tampek nantun. Alah sapakan duo pakan--pakap barubah jadi bulan-Tumangguang Putiah barado di sinan-bamukasuik inyo handak pulang-babaliak ka Koto Gadang--handak manjapuik anak kamanakan-nama nan amuah manuruikkan-kok lai namuah pindah tampek. Mako bajalan Tumangguang Putiah-sarato dangan pangiriangnyo-pulang kumbali ka Koto Gadang-alah sarantang pajalanan-lah duo rantang pajalanan-kok bukik alah didaki-kok lurah alah dituruni--dek lamo lambek di jalan-jauah basarang dakek juo-lah tibo baliau babaliak-iyo dinagari Koto Gadang.
Ado sahari duo hari-ado sapakan duo pakan-sampai sabulan duo bulan kan iyo Tumangguang Putiah-mupakat inyo maso itu-basamo samo adiak kanduangnyo-adiak kandungnyo si Ganti Murin arato dangan urang sumandonyo-an bagala Makudum Sati-tarmasuak anak minantunyo sarato dangan sanak famili. Apolah garan buah mupakat-iyo kok darek nak barantau-kok rantau nak badarek - mancari tampek pindah sabahagian-sabahagian tingga di Koto Gadang. Dek lama pikia jo mupakat-dapek kabulatan maso nantun-kok bulek lah buliah digolongkan kok picak lah buliah dilayangkan-raso nan tidak ka barubah lai-kato harek janjian taguah-satuju sagalo sanak sudaro.
Pacahlah kaba maso itu pacah di nagari IV Koto-malimpah ka IV Niniak iyo ka Sariak Sungai Pua Batagak Batu Palano-
45
