sarato Biaro Balai Gurah -iyolah Lambah jo Panampuang-lalu ka Salo Bukik Kamang-di Magek galanggang rami-nan sa Lareh Koto Piliang lalu pulo sampai ka sanan ka Lareh Bodi Caniago-lalu ka Kurai Banuhampu-ka hulu Tilatang Kapau-ka Padang Tarok V Koto--ka Baso jalan ka Lasi--mangelok ka Canduang IV Angkek. Barang nan suko nak manuruik-barang nan namuah nak nyo pai-etongan nan sudah dipabuek-sado urang nan nak pai nantun-nan lah bamukasuik dalam hati-nak saayun nak sapakuak-nak sapijak nak satampuah-suko jo duko nak saraso -nak pai jo Datuak Tumangguang Putiah-ka rantau jauah nak dijalang. Bulek sagolek picak satapiak-kok hiduik nak samo hiduik-kok mati nak samo mati--janji harek buatan taguah-iyolah urang nan banyak-basumpah satia basamo-samo-sabalun tibo maso barang-kek-bakumpua dahulu di Koto Gadang.
Kononlah Tumangguang Putiah--mako diadokan dahulu alek niat mambari gala cucu-cucu laki-laki nan barampek-anak si Rantang jo si Tapih-sarato si Bulan jo si Bintang. Alek nan rami bukan kapalang--sambia bakana malapeh nial-salamat bapisah jo nan taingga-nan pai salamat pulo-usah ado maro malintang-sampai ka tampek nan dituju. Mako dibari bagala cucu kaampek-nyo-cucu kanduang Tumangguang Putiah-anak si Rantang bagala Majo Lelo--anak si Tapih bagala Pado Putiah-anak si Bulan bagala Tumangguang Sati-anak si Bintang bagala Rajo Nan Batuah Maha-rajo Lelo. Alalı salasai karajo nantun-sananglah hati Tumangguang Putiah-cucu lah bagala kaampeknyo--lah tantu pulo kamanakan nan ka pai-sarato dangan nan ka tingga.
Adapun kamanakan nan paling tuo si Rantang sarato suami- nyo-pulang ka Canduang Koto Laweh-Koto Laweh IV Angkek sadang si Tapih jo suaminyo-dangan si Bintang jo suaminyo- manatap tingga di Koto Gadang. Nan pai basamo Tumangguang Putiah-iyolah kamanakannyo nan batigo-yaitu si Dayang dangan suaminyo-Parapatiah suku Caniago-si Tinah dangan suaminyo-Bandaharo suku Piliang sarato si Reno Sari Dunia-sadang gadih parawan ketek.
Lah tibo maso nan ditantukan-lah bakumpua urang nan ka pai iyo di nagari Koto Gadang-lah dihetong hari nan baiak-da-
46
