sungai nantun-arah sabalah kaki gunuang-tabantang rimbo hila- lang-akia-akianyo rimbo nantun-kini manjadi Koto Hilalang- kaputusan Datuak Tumangguang Putiah-ditampuah rimbo sabalah suok-sabalah suck rimbo hilalang.
Mako bajalan maso itu-rombongan Datuak Tumangguang Putiah turun bukik masuak lurah-lah tibo di batang aia-lalu disubarang batang aia nantun-Batang Sianok itu namonyo- karano mahilia ka Sianok-ditantang panyubarangan batang aia- kini banamo kampuang Subarang-lalu lah mulai manampuah rimbo-manampuah rimbo nan panjang.
Dek hatta takadia Allah-sadang bajalan dalam rimbo-taka- juik urang nan di muko-mancaliak ado nan mahadang-maham- bek mahampang bakeh lalu -antah jihin antah moh setan-antah- nyo anak biopari-bantuak saurang parampuan-parampuan gadih sarato jombang-rancak nan bukan alang kapalang-tagak maha- dang bakacak pinggang.
Adapun anak bujang nan di muko--maliek urang nan manan- tang-lahu basiap hanyo lai-sambia bakato ka parampuan nantun, "Manolah Puti nan jombang-apo mukasuik tagak mahadang- curai papakan pado kami-supayo sanang paratian."
Mandanga kato nan bak kian-sanan manyahuik rang param- puan-sambia tasanyum inyo bakato, "Manolah Bujang nan lalu ko-sabalum tanyo hambo jawab-labiah dahulu hambo batanyo- indak koh ado mandanga-danga-rimbo nangko tak buliah ditam- puah-rimbo larangan iko namonyo-siapo urang barani lalu-iyo bacubo agak sajamang-mak tantu di padeh lado-mak tahu di masin garam."
Kato sudah inyo malompek-baniat manangkok anak bu- jang-bujang mailak jo langkahnyo-tainda tangkok anak gadih- tajadi malah pancak silek-antarao bujang dangan gadih-nan samo sigap kaduonyo. Adapun pihak anak bujang-diparo-paro kapandaian-indak dilayani basungguh-sunggual-sipat manya- rang tak dipakai-manaruah hibo ka nan gadih-tagah dek baa mangatokan-si gadih juo nan mamangkai-mancari-cari lantai tajungkek. Kononlah pihak anak gadih-inyo nan tahu diagiah hati-patuik mambaleh tak mambaleh-diagiah umpan tak nyo
48
