kato nan lah paham-dihengongkan juo suok kida-kapado urang nan tuo-tuo--dilawan mupakat jo bapancia-manarangkan muka- suik parampuan nantun-kato tasirek jadi padoman-sarato kure- nah jo baenah-handak mamintak anak bujang-ka kawan hiduik tingga di siko. Lalu diimbau anak bujang-ditanyoi basamo-samo laikoh namuah jadi junjungan-jadi suami parampuan nantun - nak tingga basamo-samo-ka kawan hiduiknyo di tampek nangko. Memang di Tuhan sagalo murah-kalau lah jodoh ka ma ka pai- iyo bak kato buah pantun,
Sitinjau Lanik namonyo tanjuang
Solok Salayo namonyo koto
Ikan di lauik asam di gunuang
dalam balango batamu juo
Mako manyabuik anak bujang. "Ampunlah hambo di pang- hulu-jokok digantuang hambo tinggi-kalau dibuang hambo jauah-kalau baitu ka eloknyo--partimbangan niniak dangan mamak--pulang maalumka nan basamo."
Kato sudah putusan dapek-bulek lah buliah digolongkan- picuklah buliah dilayangkan-dipulangkan kato ka parampuan- nan manuntuik rimbo babungo kayu-atau pun sawah babungo ampiang-iyo dek Datuak Tumangguang Putiah-kok ka bukik lai ka dapek angin- ka lurah lai ka dapek aia-kandak nan lai ka balaku.
Disingkekkan sajo malah kaba- dinikahkan malah bujang jo gadih-lalu bakawin maso itu sangatlah suko parampuan nan- tun-pintak buliah kandak balaku jokok nan mukasuik alah sam- pai kalau nan diama alah pacah, Mako tinggalah bujang jo bini- nyo-laki bini bakasiah-kasiahan -Tumangguang Putiah bajalan hanyo lai sarato dangan rombongannyo. Adapun tampat kajadian nantun dinamoi dek Datuak Tumangguang Putiah-sasuai dangan kajadian-iyo "Pahambatan" kan namanya sampai sakarang iko kini-lakek Pahambatan namo kotonyo.
50
