Lamo hiduik banyak dirasai
jauah bajalan banyak diliek
Sadang bagaluik garah marapulai
usahlah kawan sato maliek
Alah bajalan Tumangguang Putiah
maninggakan rimbo pahambatan
Karano bakaba lah agak latiah
samantaro dahulu kito hantikan
V. PANCANG DI AMPALU
Cancang tulerek jadi ukia
kato subuah jadi kaba
Lah dapek kopi sacangkia
disambuang malah kaba nan lingga
Lah tingga rimbo Pahambatan
handak manampuah rimbo gadang
Tumangguang putiah sadang bajalan
jauah lai rantau nan ka dijalang
Bajalan juo bajalan juo-barakat lamo di jalan-basuo lurah di- turuni-basuo bukik lah didaki-lah sampai Tumangguang Putiah-sarato dangan rombongannyo-ka sabuah tampat nan elok--bakeh baranti maso nantun-lalu baranti inyo di sanan-sarato dangau urang banyak.
Kononlah Tumangguang Putiah-dipandang hilia dangan mudiak-diliek-liek suck kida-dilayangkan pandangun jauah-ditukiak-kan pandangan dakek-iyo di tampek baranti nantun-tanahnyo elok raso katuju-rancak ka bakeh tampek diam-tanahnyo dala euknik ain--lalu bapikia maso nantun-handak manjadikan tampek. diam-sabagian dari pangikuiknya.
Alah sahari duo hari-dapek kalatapan dalam hati-sanan bakato Tumangguang Putiah-ka bakeh urang nan basamo, "Mano dunsanak sudaro hambo-rimbo ko patuik kilo ramikan-tinggalah
51
