kito saparampek-sarato dangan kamanakan hambo-nan banamo si. puti Dayang-dangan suaminyo Parapatiah."
Kan iyo urang nan banyak-baru mandanga kato nantun-lalu basiap masa itu-bahagian nama nan ka tingga-bakameh-kameh hanyo lai. Mako batangih-tangihanlah urang nan banyak-sabab dek kasiah ka bacarai--musim pabilo ka batamu--baitu pulo si puti Dayang-dangan dunsanaknyo nan baduo-si Tinah sarato Reno Sari Dunia. Pihak kapado Tumangguang Puliah-dinamoi malah tampok tuntun-Sigiran kampuang Malalak-yaitu janjang ka rantau. Alah salasai batangih-tangihan-antaro sanak saudaro-sarato anak kamanakan-antaro nan pai jo nan ka tingga-aia mato nan alun kuriang-pihak di urang nan ka pai--basegeh-segeh hanyo lai-manunggu parentah dari panghulu-parentah jatuah sugiro barang-kek-maninggakan Sigiran kampuang Malalak-dinamoi janjang di Malalak yaitu janjang ka rantau.
Alah bajalan pulo Tumangguang Putiah-sarato rombongan nan patuik pai-alah sabanta pujalanan-lah duo banta pajalanan-cukuik katigo rantung panjang-nan jauah basarang dakek-dek dakek tibolah garan-iyolah di satu tampek-nan dinamoi jo Mudiak Padang-iyo Surambi di Mudiak Padang.
Dek lamo lambek baranti--bajalan pulo hanyo lai--rombongan Tumangguang Putiah-alah sarantang pajalanan-lah duo rantang pajalanan-cukuik katigo rantang panjang--mako tibolah di padang nan sangaik laweh-padang nan dakek batu hampa-lalu baranti pulo di sanan. Takana maso dahulu-iyo dek Datuak Tumangguang Putiah-padang nan laweh babatu hampa--batu hampa tampoknyo duduak-sampai saliari duo hari.
Indak lamo antaron lah duo hari rombongan baranti-jatuah parentah Tumangguang Putiah-sanan bakato hanyo lai-taradok kapado nan basamo, "Manolah Tuan samo sakali-sagalo dunsanak sudaro hambo-tampek ko patuik pulo diramikan-tingga di sike sapatigo-sarato kamanakan hanbo si Tinah-dangan suaminyo Bandaharo-kito namoi rimbo nangko-iyo Tandikek Batu Kalang
Birawari urang nan banyak-balu nandanga kato mantun-basiap pulo maso itu-mano rombongan nan ka tingga-balangih-Templat:Left
