tangihan pulo di sinan-antaro nan ka tingga jo nan ka pai. Baitu juo si gadih Tinah-manangihi adiak nan ka pai-si Upiak bungsu kasayangan-iyolah Reno Sari Dunia. Nan ka tingga bahibo hati-baitu pula nan ka pai-tagah baalah mangatokan-suratan alah sajak dahulu tak dapek dirubah lai.
Lah tibo pulo masonyo-rombongan bajalan hanyo lui-di-parentahkan Datuak Tumangguang Putiah--dek lamo lambek di jalan-jauah basarang dakek juo-lah tibo malah di Batang Ampalu-di sinan rombongan baranti pulo-baranti untuak manatap-mambuek tampek nan baru. Jatuah parentah Tumangguang Putiah-mananam batu maso itu-batu nan dari bukik Kapanasan-bukik Kapanasan di Luhak Agam-kini lah sampai ka tanah rantau.
Mako dirambahlah maso itu-kiri jo kanan tampek nantun-sagalo urang nan banyak-mambuck tampek surang-surang-karano kini alah sampai-ka tampek tujuan salamo ko. Kan iyo Tumangguang Putiah-lalu dinamoi Pancang di Ampalu-Ampalu nun VII Koto-koto nan tujuah buah paruik-timbangan urang Luhak Agam-dibuek patatah jo patitih-dari darek lalu ka rantau-dinamoi Pintu IV Koto-kaduo Janjang di Malalak-katigo Surambi di Mudiak Padang-kaampek Pancang di Ampalu-timbangan urang Luhak Agam.
Adapun nan jadi ibu nagari IV Koto-iyolah banamo Koto Gadang-iyolah nan dinamokan panghulu nan XXIV-nan [1] Jurai nan IV Suku. Itulah panghulu nan mahkaram-dangan sarato kato pusuko-iyolah baranam panghulu di Sianok-duo baleh di dalam nagari Guguak-baranam di Tabek Sarojo-jumlahnyo panghulu nan XXIV-nan III Jurai nan IV Suku. Adapun nan akan lawan-nyo-banyak panghulu di nagari-iyo di nagari Koto Gadang-yaitu panghulu nan XXIV pulo-dalam nagari Koto Gadang. Junjuang adatnyo iyolah panghulu nan barampek-partamo Datuak Tumangguang Putiah-kaduo Datuak Makudum Sati-katigo Datuak Maharajo Kayo-kaampek Datuak Malakowi. Itulah panghulu nan mahkaram-samo diangkek oleh Danlai Nan Dipartuan di Pagaruyuang-surato Baso Ampek Balai.
Adapun nan dinamakan nagari IV Koto-iyolah Sianok Koto Gadang Gaguak Tabek Sarojo. Nan dinamokan nan salapan mim-Templat:Right
