Lah sampai Tumangguang Putiah
mambuek nagari di Ampalu
Hati suci muko pun janiah
baru tacapai nan dituju
Kononlah Datuak Tumangguang Putiah-urang badarah parantauan-lah lamo Jambek di Ampalu-tapikia pulo dalam hati-mukasuik handak bajalan. Bajalan sakali nangko-mahedari Pasisia Panjang-Sungai Salak dang namonyo-taluak banamo Taluak Tuban-hiliakan Batang Piatuan-nagari baru ka rami-banamo Tiku Pariaman. Mako dibuek parahu sabuah-gadang tidak ketek pun bukan-sakiro muatan salapan urang-dek lamo lambek mam- buek-mako sudahlah parahu nantun-langkok jo tali-tumalinyo-sarato sauali jo layianyo. Dihetong-hetong hari nan bajak-mukasuik handak balayia-hari baiak bulan pun baiak-handak mahadang lautan basa-maliek-liek nagari urang-iyo ka Aceh Tigo Sagi.
Pada maso kutiko nantum-tibolah maso kutikonyo-hari baiak ukatu elok-lalu balayia Tumangguang Putinh-sarato dangan tujuah urang-basamo pulo Laksamano layia-takambang angin tibo-laju parahu di lautan-kancang lajunyo bukan kapalang-nan bak malapeli piluru badia. Dek lamo lambek balayia-pagi bajawek dangan patang-patang bajawek dangan malam-malam batuka dangan siang siang malam ateh parahu-alah sahari quo hari-alah sapakan duo pakan-lah sakian pulo ka lamonyo-tiok taluak dilalui-tiok kualo dimasuaki-dek hatta takadia Allah-sampai ka taluak Tapak Tuan-ka Tarumun Aceh Tigo Sagi.
Adapun akan Tumangguang Putiah-dek lamo lanbek di tanah Rencong-Allah Taala mantakadiakan-batamu paruntuangan maso nantun-dangan puti urang Aceh-mako bakawin baliau di sanan-dangan puti urang Aceh tu. Lah sampai pulo maso kutiko- nyo-lah hamia padusi Tumangguang Putiah-alah sabulan duo bulan-lah tigo bulan ampek bulan-sampai ganok bilangan bulan-iyo sambilan bulan sapuluh hari. Mako malahiakan padusi nantun-saurang anak laki-laki-rancak nan bukan alang-alang-dibari namo anak nantun-Gombang Incek Mulin Hatta.
Birawari Tumangguang Puliah-adolah pado suatu hari-datang pangana tibo pikiran-lah lamo badan di ranku urang-
55
