lah taragak pulang ka kampuang-Minang maimbau lah tadanga-baakoh garan kamanukan-salamo bapisah ditinggakan. Talabiah pangana ka si Reno-puti Reno Sari Dunia-kamanakan nan gadih ditinggakan-baakoh garan nasibnyo kini-laikoh inyo sehat sajo-dek kaba indak barito indak-karano tampek bajauahun. Kok nisihat salamat sajo-taraso kamanakan lah gadih gadang-lah patuik garan basuami-siakoh urang kajudunyo-mamak lah jauah di rantau urang-dunsanak kanduang baitu pulo-jo sia badan ka babiri-laikoh rang kampuang manjagoi.
Baitu pulo si Tinah jo Bandaharo-kamanakan baduo laki bini-iyo di Tandikek Batu Kalang-sarato si Dayang jo Parapatiah-nan tingga di Sigiran kampuang Malalak-antah bak apolah tu kini. Panjang pangana maso nantun-ka bakeh si Bintang jo si Bula bakeh si Tapih jo si Rantang-anak kamanakan nan ampek lai-baitu pun cucu nan barampek-Majo Lelo jo Pado Putiah-Tumang- guang Sati jo Rajo nan Batuah Maharajo Lelo. Tabayang pulo adiak kanduang-adiak kanduang si Ganti Murin-dangan suaminyo Mangkudun Sati-adiak surang si sado mantun-awak baduo badunsanak-mandeh baranak bak anak balam-sikua jantan sikua batino-kini ko tak tahu manahu-antah sakik antah moh sanang-wallahu alam nan ka tahu. Lah banyak marupo anak kamanakan- sarato sanak jo famili-taratak kampuang dusun nagari-eten di ranah Minangkabau-raso maimbau manyuruah pulang.
Karano sabab nan bak kian-lalu diimbau mandeh si Gombang-Sanan bakato Tumangguang Putiah, "Mano Diak Kanduang mandeh si Gombang-adapun nan akan hambo sampaikan-iyo satan-tangan badan diri hambo bamukasuik handak pulang ka kampuang-eten ka ranah Minangkabau-karano taragak sanak famili-dunsunak sarato kama kan-sarato kampuang jo halaman. Pihak kapado diri Adiak-sarato anak kito si Gombang-eloklah kito nak samo pai-baa pikiran pandarak adiak."
Mandanga kato man bal kian-sanan manjawab mandeh si Gombang. "Manolah Tuan Tumangguang Putiah-satantangan mukasuik Tuan nantun di hambo sam k satuju-hambo pun ingin nak pai pulo-iyo ka ranah Minangkabau-taragak tacinto dalam hati-handak pai basamo Tuan-rindu basuo jo mintuo-atau-Templat:Left
