pun bako anak kanduang."
Mandanga jawab mandeh si Gombang-galak tasanyum Tumangguang Putiah-sanan bakato hanyo lai, "Kalau baitu kato Adiak-itulah kato sabananyo-bisiap malah kini-kini amak sugiro kito barangkek."
Disingkekkan sajo malah kaba-alah salasai parsiapan-lah dibari tahu sanak jo famili-urang kampuang nan patuik-patuik-lah tantu urang nan ka mairiang-lah segeh parahu nan ka mambaok-lah tibo hari nan baiak-lah tibo kutiko nan elok-lah rami urang di palabuahan-handak malapeh Tumangguang Putiah-sarato dangan padusinyo-tigo jo anak nan si Gombang-langkok jo urang nan kan mairiangkan. Lah tibo saat ka barangkek-maso bapisah nan lah datang-banyaklah urang nan manangih-malapeh bini Tumangguang Putiah-sanak famili nan ka tinggu-baitu pulo nan ka pai. Tapi baalah mangatokan-urang ka pai jo suaminyo-handak manjalang rumah mintuo-mampatamukan anak jo bakonyo-itulah kalo nan sabananyo-tak dapek diungkai lai.
Pihak dek Datuak Tumangguang Putiah-dikambangkan malahlayia parahu-lah naiak sado nan ka pai-sarato bareh jo bakanyo-lah sarek malah parahu nantun-parahu barangkek hanyo lai-maninggakan palabuahan tanah Aceh-mahadang lauik bahanil-lah manuju ranah Minangkabau. Alah sahari duo hari-alah sapakan duo pakan-alah sabulan duo bulan-parahu balayia di lautan-sarang ari dituruik kan angin-tiok taluak inyo lah masuak-tiok kunlo inyo lah singgah-dek lamo lambek balayia-jauah basarang dakek juo-kok dakek tibolah garan-sampai ka Tiku Pariaman-nagari banamo Sungai Salak-taluak banamo laluak Tuban. Dibongka malah isi parahu-lah turun Tumangguang Putiah-sarato dangan padusinyo-tigo jo anak nan si Gombang-Gombang Encek Malin Hatta-basamo urang mairiangkan.
Disingkekkan sajo malah kaba-lalu bajalan maso itu-Tumangguang Putiah sarato rombongannya-dek lamo tambek dijalan-jauah basarang dakek juo-lah tibo sampai di nagari-batamu dunsanak jo sudaro-sarato anak jo kamanakan-sukolah hati urang kumpuang-kini lah tibo panghulunyo-sarato dangan anak biniyo Talabiah bana Puti Reno Sari Dunia-gadanglah hati ku-
57
