tiko tu-mamak kanduang nan alah pulang-sarato mambaok amai pulo-batigo dangan anaknyo. Baitu pulo Tumangguang Putiah-dicaliak Reno leh sihat sajo-kamanakan iyo lah gadang-jombang sarato jo rancaknyo.
Alah sahari duo hari-alah sabulan duo bulan-kononlah Tumangguang Putiah-diliek-liek dipandangi-kamanakan iyo lah gadang-lah patuik pulo basuami-lalu mupakat maso itu-dangan dunsanak jo famili-sarato urang tuo-tuo-mukasuik handak baralek-handak mangawinkan kamanakan-nan banamo Reno Sari Dunia. Mako dapeklah karo kabulatan-bulek lah buliah digolongkan-picaklah buliah dilayangkan-niniak-mamak sarato urang tuo-tuo-sanak famili ka sadonyo-alah langkok alek paralatan-malapeh panggia sano-sini-mambari tahu ka Luhak Agam-sarato Luhak Nan Tigo-sarato urang Rantau Panjang. Pado hari nan ditantukan nan di darek alah manunun-nan di pasia alah mandaki-karajo dimuloi hanyo lai-dipancang galanggang maso itu-iyo galanggang tigo jorong-urang manapa hanyo lai.
Dek lamo galanggang rami-alah sahari duo hari-lah tigo hari lah ampek hari-cukuik sapakan galanggang rami-alah basuo nan di hati-alah lah dapek nan katuju-nan kandak hati katuju di mato-siapolah garan urang nantun-anak rang Kurai Banuhampu-bagala Sinaro Panjang. Kan iyo di maso nanlun-lah dapek tunangan Reno Sari-kamanakan Tumangguang Putiah-karajo bamulai ha nyo lai-dibantai kabau tigo kali tujuah-diramikan halek maso itu- calempong babunyi sarato aguang-rami nan bukan alang kapalang-Allahu Rabbi nan ka tahu.
Panjang pendeknyo: disabuik-lah kawin Reno Sari Dunia dangan Datuak Sinaro Panjang-tantangan adat parkawinan-nan tapakaikan di nagari- kuik batako ka samonyo-indak ado cacek salahnya. Alah sahari duo hari-sampailah garan tigo hari-alah badamai si Reno Sari-dangan suaminyo Sinato Panjang-alah bakasiah-kasiahan kaduonyo. Sadanglah Reno Sari Dunia-sangat haromat ka suami-bajalan salangkah mamintak ijin bakato sapatah basitinah-bapakaikan adat basuami-indak panah manupang
kato-apo nan kato suaminyo-dituruiknyo itu balako-bapantang bakato kasa-barundiang salalu ambiak bawah-baitu ajaran dek
58
