mamaknyo. Maliek laku si Reno Sari-sarato rupo baiak puto-sangaiklah kasiah suaminyo-iyolah Datuak Sinaro Panjang-kapado Reno Sari Dunia-bakasiah-kasiahan kaduonyo-sapantun aua dangan tabiang.
Tasabuik Tumangguang Putiah-lah lapen inyo basumando-mangawinkan kamanakan Reno Sari-dangan Datuak Sinaro Panjang-suko naimat dalam hati. Didirikan pulo maso itu-kalawan sabandiang duduak-ka lawan sajamba makan-iyolah rang tuo nan barampek-sarato panglimo nan barampek-iyo Manti pamangku Rajo-iyolah Bandaro Panjang-iyo urang suko hiduik-sanang santoso nagari tu. Nagari leba hanyo lai-diatua nagari maso itu-kote nan tujuah buah paruik-tujuah paruik tujuah kotonyo-manuruik barih nan dipahek-manuruik kato nan dahulu. Dek lamo bakalamoan-limpah maamur nagari tu-batahun babilang musim-alah baranak malah si Reno-dangan Datuak Sinuro Panjang-laki-laki jo parampuan-nan tuo iyolah laki-laki-man banamo si Basa-bagala Rajo Kinayan.
Limpah mamur nagari tu-batahun babilang musim-anak cucu si Reno Sari Dunia-nan manjadi Rajo di Tiku-basa nan babingkah tanah-gadang nan balingkuang aua-di Ampalu VII Koto- kamanakan Tumangguang Putiah. Barmulo si Reno Sari Dunia-parampuan Datuak Sinaro Panjang-kaduo anaknyo si Basa Rajo Kinayan-katigo adiaknya si Colok Bandaro Putiah-kampek si Katah-kalimo si Laut-kaanam si Dina-katujuah si Daerah-kasalapan si Kalit-kasambilan si Eceh parampuan-kasanpuluah si Dayat-kasabaleh si Wangku-kanduo baleh si Matah-katigo baleh Saidina Ali-kaampak baleh si Adil-kalimo baleh si Gamuak-kaanam baleh si Rodi-katujuah baleh si Tahir-wallohu alam bissawab.
Adapun bapangkat naiak-adat dalam nagari VII Koto- di Sungai Suriak panghulu nan anam suku-batujuah jo Pamuncak. Adapun di Sungai Durian-panghulu nan duo bush suku-Bandaharo di dalam suku Jambak-Datuak Mudo di dalam suku Piliang. Adapun di Batu Kalang-panghulu nan ka Ampek Suku-balimo jo Maju Leko, Adapun di dalam Tandikek-panghulu nan ka Ampek Suku-bulimo jo Majo Lelo-haranam jo Datuak Basa-sarato da-
59
