pandai ubek-dijalang dek anak kamanakan-Allah Taala manta kadiakan satu pun tidak manolongi-ijankan kurang batambah labiah-panyakik baliau Tumangguang Putiah.
Sampailah garan tujuah hari-hari nan malam maso itu-kiro-kiro pukua salapan-uranglah sudah sambayang Isya-jatuah pangsan Tumangguang Putiah-indak nan tahu di diri lai-dihimbau baliau tak babunyi-alah bakumuah ateh lapiak-angok kalua satu-satu-bakaruah-karuah dari dado-badan lah mulo bak dingin aia tulang lah lamah bak batang taleh-baitu kaadaan baliau nantun.
Pukua ampek hari ka siang-alah sakali ayam bakukuak-kaadaan Datuak Tumangguang Putiah-kian batambah Jaruik juo-diimbuau baliau tak babunyi-hangok lah turun-turn naiak-inyo nan tidak maliek lai-diimbau sakali lai-namun baliau tak juo manyahuik. Dalam sabanta itu juo-Tuhan babuek sakahandakNyo
- Tak bulia sukatan padi
- sukalan balah parahu
- Tak buliah kahandak hati
- Kahandak Allah nan balaku
Panjang palapah singkek rumbio-panjang langkah lah singkek paminto. Sampailah aja Tumangguang Putiah-nyawo barangkek dari badan-mangucap kamanakan nan malapel-ditutuikkan malah matonyo-dikatuikkan malah muluiknyo-tangan disusun atch dado-dipaeloki pulo malah tiduanyo.
Barulah tahu urang banyak-dalam sabanta itu juo-sagalo karik dangan baik-sunan manangih hanyo lai-afah banduang dek bunyi ratok-alah basilang tampa di dado-rabo-raboi kian-ku mari-baguliang-guliang atch rumah-hiruak-pikuak indak kanan-namonyo urang kamatian. Birawari di masa nantun-alah susaat sakutiko-tah rado ratok jo tangih-ditatiang maik ka tangah rumah-ditiduakan di atch kasua--di atch hamparan tilam hungo-dicari kain nan elok-elok-lalu disalanuiki hanyo lai. Mako bakokoh masalah urang kampuang-kaum sarato jo sukunyo-mano nan indak lah dicari--apo nan kurang lah ditambah-alah bakameh kasadonyo -laki-laki sarato parampuan. Diharasiahkan rumah duo tigo-
