kan tampek urang manjanguak-ditabang pariang sabatang-ditagakkan malah bandera putiah-dikambangkan pulo payuang gadang-banamo payuang ubua-ubua-kan iyo di halaman rumah gadang Dikambangkan pulo kain jajakan-iyo di dakek hantakan janjang-di ateh batu tapakan disangkuikkan kain tarantang-tarantang dari rumah ka rangkiang.
Adapun sagalo parampuan-alah basegeh atch rumah-dikambangkan malah tilam bungo-tahampa lapiak parmadani-dari tangah lalu ka tapi-salo manyalo lapiak sirah-sarato dangan lapiak rumpuik-tapusang pulo tabia gadang-dari ujuang lalu ka pangka-di ateh batabia pulo-tagantuang kulambu suto-dibari batirai balangik-langik. Alah tarantang tiraj nan panjang-tonggak bapaluik kasanionyo-tiang timban bapaluik cindai-tiang panjang dangan sakalat-iyo sakalat ainal banat-diisi carano duo tigo-batirai balako kasamonyo.
Tampek maik pulo dipasegeh-di ruang tangali rumah gadang-garai dihampiri jo kasua panjang-bapaluik jo kain sarat-langkok jo banta kalang hulu-di bawah kulambu nan batirai-baitu adat maso nantun-kalau panghulu nan maningga-urang gadang basa batual-baitu adat limbagonyo. Mako dilatuihkan pulo badia-pambari tahu isi nagari-bahaso panghulu nan lah mati-bunyi badia bagaikan huluih--gumanta ka tangah koto-tatumbuak tibo di bukik-gamuruah ka dalam lucah-takajuik urang dalam koto-tagampa urang dalam kampuang-mandanga bunyi badia nantun-bunyi hadia babuah-buah. Tanyo batanyo urang banyak-di mano pulo badia babunyi-siapo kolah garan nan nati-datuak di mano sampai hukum-baitu buah tanyo urang-dalam nagari Koto Gadang.
Ado sabanta antaronyo-dibuek pulo kacangpali-kacang pali jadi usungan-ka pausuang panghulu nan maningga-dilatakkan tangah halaman-manjalang urang datang manjanguak. Kiro-kiro tagelek matohari-ramilah urang datang manjanguak-sapantun anai-anai bubuih-datanglah pihak pasukuan bako-nan samo pindah dahulunyo-anak pinak karik jo barik-mambao kapan salampih sutang-dulang paha bakalai gadang-batirai-tirai badalamak-dulang bajujuang di kapalo-dipayungi jo payuang gadang-payuang
74
