banamo ubua-ubua-rami mairiang korong kampuang-sarato dangan niniak-mamak-balaki-laki baparampuan-mamakai sapanjang adat-bajalan badombai-dombai-sampai ka tampek kamatian. Sato tibo urang manyonsong-payuang bajawek dek sipangka ditagakkan di tangah laman-dulang dijawek ateh rumah-diduduakkan di ruang tangah-talatak siriah di carano. Lah panuah rumah nan gadang-dek panghulu jo niniak mamak-dangan urang nan patuik-patuik-dinaikkan pulo ka sabalah-jadilah panuah kasadonyo.
Samantaro duduak urang manjanguak-lah makan siriah sakapura surang-mako tajadilah sambahi manyambah-panyambuhan kapan pihak tamu-kapado pihak sipangka-kapan nan mintak ditarimo jo hati suci muko nan janiah-kapan adat itu namonyo-ado nan dari pihak bako-atau sagalo anak panca-karik barik simpang balahan-kabuang karatan dalam nagari. Alah salasai sumbah-manyambah-kapan disarah tariınokan-lalu sagalo pasumandan-diajak turun ka halaman-dek parumpuan nana sipangkalan-mamanuahi adat manyahok-manyahok kacang pali tu namonyo-manyalok baganti-ganti-ann patuik dahulu dahulu juo-patuik kudian kudia juo. Babagai macam kain panyahok-suto jo makau banang ameh-sagalo kain kaamusan-ado balako kasamonyo. Disahokkan ka kacang pali-puncaknyo bapaluik candai-batutuik pulo dangan dalamak.
Samantaru urang banindiang-barundiang di atch rumah-konon sabagian urang siak-sarato iman dangan katik-alaupun pakiah dangan maulano-alah bakokoh kasamonyo-dimandikan Datuak Tumangguang Putiah--alah samporono dimandikan-dijawekkan aia sambayang.
Salasai mandi jo manjawek-salu dikapani hanyo lai-disabayangkan basamo-samo-sudah pulo disambahyangkan-dilatak ateh usungan-masuak ka dalam kacang pali. Lah sudah pulo nan bak kian-maik diarak banyo tai-adok ku pandam pakuburan-diarak barami-rami-dangan ratik dan jikjanyo-Allahu rabbi ka rami urang. Kononlah pulo maso nantun-sapanjang jalan maarak maik-baserakkan pilih dek bako-baserak kiri je kanan-baitu puto maso itu-adat nan lajim dipakaikan.
75
