niniak muyang-iyolah niniak Tumangguang Putiah. Mako dapeklah kato mupakat-tantangan alek ka dibuek-dicari hari nan baiak-dicari kutiko nan elok-dimuloi malah karajo nantun-mambari tahu hanyo lai-ka dunsanak jo sudaro-sarato isi nagari Koto Gadang-panghulu nan duo puluah ampek-nan tigo jurai nan ampek suku-urang nan ampck buah paruik-sarato nan IV Koto-sarato imam dangan katik-sarato pakiah jo pandito.
Lah sudah salasai kasamonyo-pado maso kutiko itu-di hari baiak bulan baiak-alah baralek maso itu-baralek babantai kabau-dibantai kabau nan saikua-dipacah bareh nan saratuih-indak sadang dek itu sajo-ditambah kabau ampek limo-sarato bareh mambarch-alek jadi tak tangguang-tangguang-rami urang bukan kapalang nan masuak ka Balai Gadang-indak tahisab maso itu.
Birawari alek nan rami-hari nan baiak bulan pun baiak-lah sudah garin minum makan-tarangah urang kasadonyo-sagalo urang nan datang tu. Dihimbaukan tuah maso nantun-Koto nan ampek buah paruik-kapado dunsanak nan di rantau-nan basa babingkah tanah-nan gadang balingkuang aua-iyolah di Gantiang Paran bahan-Tumangguang gala dipakainyo-iyolah pulo di AmpaJu-Bandaro Putiah gala dipakainyo-iyolah di Mudiak Padang Majolelo gala dipakainyo-iyolah di Pakandangan-Rangkayo Basa gala dipakainyo-anak-cucu Tumangguang kalimonyo.
Lah sudah pulo karajo nantun-alek salasai hanya lai-jokok nan diama alah pacah-kalau nan diagak alah jadi. Kononlah anak kamanakan-basanang hati kasadonyo-karajo abih maso itu-pulang ka tampek masing-masiang.
Baitu pulo Rajo Kinayan-surato dubalang jo pangiriang-niat lapch kaua pun sampai-lalu mupakat hanyo lai-handak kumbali ka VII Koto. Rundiang masak etongan dapek-barangkek rombongan Rajo Kinayan-iyo ka nagari VII Koto.
Rajo Angek baitu pulo-iyo ka Gantiang Parambahan-ado ka Janjang di Malalak-ka Surambi Mudiak Padang-baitu pulo nan gadang di IX Lingkuang-Koto Marapak Pakandangan. Kok jauah cinto mancinto-kok dakek jalang-manjulang-sagalo sanak jo sudaro-nan saniniak nan samuyang-anak-cucu Tumangguang Putiah.
80
