dak bajawab lai-bajalan pulang bagageh-gageh-tibo di rumah lalu ka dapua-dilatakkan parian di sandaran-dicaliak pariuak alah tajarang-tajarang pariuak duo tigo.
Naiak ka rumah inyo lai-nampak suami mamaluak anak- anak nan baru umua satahun-anak surang pamenan mato-buah hati limpo bakurang-disapo laki dek Siti Fatimah, -"Lah lamo garan Tuan pulang." Mandanga kato bininya-kan iyo Sutan Karangan-dijawabnyo jo galak sanyum-kasiah sayang nan batimba-lan.
Birawari kaduo laki-bini-baru duo tahun sudah kawin-dapeklah anak laki-laki-dibari namo si Sabirin-anak nan gapuak putiah barasiah-manurunkan jangek mandehnyo. Di dalam hari nan duo tahun-babaua baru tigo bulan-suami marantau pai ka Medan pulangnyo sakali samusim sajo. Salamo babaua duo tahun-taraso-raso baru juo-alun dapek bana paratian-samo maa-juak kaduonyo,
Ado sabanta antaronyo-ka tangah edangan dek Fatimah- sanan bakato kasuaminyo, "O Tuan basuahlah tangan-nasi nan alah hambo latakkan.”
Kan iyo Sulan Karangan-dibasuah tangan inyo lai-disuok nasi di pinggan-karano paruik iyo lah lapa-sajak nan turun dari oto-kini baru mancubo nasi-bapaluah kanyiang kalamakan. Lah sudah makan jo minun-diisok rokok sabatang-tarangan duduak kakanyangan-edangan dikamehi dek Fatimah-sanan tibo malah mintuo. Kan iyo Siti Jainab-dilawan duduak malah binantu-sadang baranti balapeh arak-batutua sasudah makan-di sinan tajadi tanyo-batanyo-lanyo nan baiak ka binantu. Ka nimah pulo urang suok kida-famili saparuik dek Fatimah-maliek urang pulang marantau. Dek urang Siti Fatimah-dikaluakan salak dari karuang nyo-buah tangan suami dari Medan--dionggok dibagi-bagi-lalu dibagi saonggok surang-dibasoi jo galak sanyum.
Dek lamo lambek duduak-duduak-sampai babunyi tabuah Mugarib-tagaklah Sutan Karangan-mamintak ijin ka bajalan-bajalan pai ka surau-surau nan ampiang dari rumah.
Bajalan Sutan Karangan-si Fatimah mairiang dari balakang-baunduang-unduang jo tilakuang-bakodek kain palakaek. Kunun
86
