lah Siti Fatimah-apo dipakai apo rancak-anak nan sangaek manih dagiang-galaknyo manawan hati-gigi putiah bak mutiaro-bakilek cando gewang digosok-indah rupo dibawo galak-pipi ba-lubang bak lasuang pipik-tambah ciklalek di bawah bibia-indak rancak babuek-buck-rancak tabawo sajak lahia.
Lorong kapado laku parangai-indak saelok Siti Fatimah-anak nan iyo masak pangaja-muluik mani kucindan murah-awak elok baso katuju-indak pandai batandang-tandang-bakato sakadar nan paralu. Indak ado hari tabuang-rintang jo buatan tiok hari-lapeh batanak manyilau sawah-manjahik marendo sangaek pandai-buatan aluih capek pulo-rendo saperai babungo-bungo-kaja mangaja unggeh tabang-banyaklah urang nan manbali.
Jokok mamasak usah disabuik-sagalo samba pandai mam- buek-malabuahkan kue baitu pulo-dek pandai kuek baguru-dek tahu kuek batanyo. Kan iyo mandeh Siti Fatimah-nan banamo Siti Jainab-pandai mandidik anak kanduang-maso mudonyo manjua nasi-musahua tanak si Jainab-nak tahu dilanak samba-cubolah makan di lapaunyo-pangek bada ikan batalua-samba randang jo goreng ayam-gulai paku gulai cubadak-tamusahua pandai mamasak. Di mano urang ka baralek-Siti Jainab baimbau dulu-inyo juaro malin pantun-pandai maagak malatakan-tahu mananai malatakkan-tahu di ereng jo gendeng-anyo man cadiak sajak ketek-sampai gadang batambah-tambah-jadi partue induak-induak-manurun pandai ka anaknyo.
Baitu kini Siti Fatimah-batutua sangacklalı bijak-pandai bagaua samo gadang-bakeh sagan samo padusi-kalau ado nan baciaran-datang Fatimah mararainyo-hati nan sano disabakan-tananglah urang mandangakan-amuah suruik hati nan bangih-baitu bana kapandainyo. Iyo bak manang urang tuo-kok pandai urang barundiang-nan bak santan jo tangguli-kok tak pandai urang barundiang nan bak alu pancukia duri,
Birawari Sutan Karangan-lah salasai sumbayang di surau-bajalan bahaliak pulang-Siti Fatimah mairiang pulo. Kan iyo Sutan Karangan-dek barek mato mangantuak-karano banyak kurang lalok-badan bak raso bayang-bayang-panek sagalo paruasan
87
