- taraso digoncang-goncang oto-tibo di rumah lansuang ka biliak-marabahkan badan di tampek tidua-mato tapajam hanyo lai.Namun samalam-malam nantun-lamaklah lalok Sutan Karangan-parak siang ayam bakukuak-cukuik katigo hari siang-Sutan Karangan indak tasintak-lah tinggi hari mangko jago-dinginlah nasi manantikan.
Kiro-kiro pukua sambilan-lah tibo paneh ka pintu-baru tajago Sutan Karangan-lansuang bajalan ka tapian-dibawo anduak sabun harun-takanak baju piama-piama baru sudah bajaik. Salasai mandi bakacimpuang-taraso malah tawa badan-hilang sagalo panek-panek-sajuak rasonyo paratian-dierak langkah mahadok pulang-Fatimah lah sadio manantikan.
Kan iyo Sutan Karangan-karano paruik lah lapa pulo-latu dibukak tuduang saji-diminun kopi bagulo-disuok nasi hanyo lai-makan baduo jo Fatimah-anak bapaluak jo bapaknyo. Mancaliak anak sangaek lasak-tagalak-galak Sutan Karangan-tasanyun-sanyun Siti Fatimah-anak surang pamenan mato-buah hati limpo bakuruang-sidingin tanpa di kapalo-ubek jariah pararai damam. Kununlah Sutan Karangan-urang bujang jolong baranak-bagai si pontong jolong bacincin-namun sahari-hati nantun-anak nan tidak lapeh di bahu-dikundang-kundang tangkumari.
Sitaba di baljak pakan
sitapuang tumbuah dakek banda
Samantaro kaba dibantikan
maisok rokok agak sabanta
II. MATO PALINGAN SETAN
Didulang sadulang lai
pandulang ameh malako
Diulang saulang lai
panjapuik nan tingga cako
Kan iyo Sutan Karangan-alah sahari duo hari-cukuik katigo hari Rabaa-pasa nan rami di Bukiktinggi-timbua mukasuik
88
