dalam hati-handak mambawo bini ka pasa. Kununlah Sutan Karangan-pagi-pagi inyo lah jago-salasai mandi minun jo makan-dikanakkan pakajan sapatagak-pakaian caro mudo kini-babaju wol abu-abu-sapasang sarawa dangan baju. Dipakai dasi sute hitam-sipatu maha baliayo-abuak basega di kapalo-sanupo lagak mahasiswa-rang mudo biaso di kota rami-kota Medan kota tasabuik-bahimpun lagak dangan langgan-Sutan Karangan indak katinggalan. Rang mudo pandai mamakai-indak bagunu nyo maniru-dek lamo lambek tingga di kota-gadang pangaruah ka badan diri-batuka mungkin jo pataik-taraso kolot urang kampuang.
Birawari Siti Fatimah-mamakai pulo hanyo lai-dikanakkan baju pilihan-babaju kurang kuniang ala-bakodek kain bariak aluih-baundok bamunawarah-kapalo balilik kain suto-manih tampaknyo Siti Fatimah-sarupo gadih anak sikola-sikola agamo di madarasah-kanai pakaian nan bak itu-tinggi gensinyo dipandangi.
Balain pandapek Sutan Karangan-takana lai takatokan indak-mancaliak sajo jo suduik mato-hayo bakato dalam hati, "Malang bana hambo babini-dapek padusi urang surau-sarupo ka pai mangaji-nyatolah awak pai ka pasa-ka makan-makan di restoran-ka manonton basuko-suko. Ka ditagah turaso majų-ka disapo taraso barek-indak sasuai dalam hati-badan babungkuih saroman haji." Sunguik sajo Sutan Karangan-maliek pakaian Siti Fatimah-tapi sungguhpun damikian-di muko indak mangasan-di hati bakaru-kani-iyo bana bak pantun urang.
Antimun bungkuak dalami podi
cuko di dalara pabarasan
Sungguah baramuak dalam Itati
di muko indak kalihatan
Takanak pakaian ka duonyo-bajalan turun ka halaman-anak lah tingga jo gaeknyo-kan iyo Siti Jainab-gadanglah hati mamandangi. Bajalan bairiang-iriang-rang baduo laki-bini-alah sarantang pajalanan-tibo di tantang labuah gadang-nampak kawannyo dek Fatimah-sadang bajalan jo mandehnyo.
Mancaliak Fatimah datang-gadanglah hati kawannyo mantun
89
