lalu disapo Siti Fatimah, "Sarangkek sajo kito ka pasa."
Mandanga kato nan bak kian-alah sasuai Siţi Fatimah-elok bajalan basamo-samo-pado baduo-duo sajo-lalu bajalan malah barampek-samo sairiang kasadonyo. Kununlah Sutan Karangan- manyísian-nyisiah di balakang-maleh sairiang jo rang lain-mangka hati karu pikiran-disangko awak ka baduo sajo-kironyo barampek jo rang gaek-seso pikiran mamandangi-bajalan juo kudian-kudian-kalau tak malu dek urang-amuah babaliak pulang sajo.Balain pandapek Siti Fatimah-urang baradat caro kampuang-malu sairiang jo lakinyo-sairiang basinggungan bahu-malu dicaliak urang kampuang-talabiah urang tuo-tuo. Pado maso di maso nantun-bajalan urang nan barampek-lain di hati samo tujuan-samo ka pasa Bukiktinggi-lakadia pulo bendi ndak ado-tiok nan lalu panuah juo-sarek muatan kasadonyo. Dek lamo lambek di jalan-jauah basarang dakek juo-ampiang ka tibo hanyo lai-lah tibo inyo garangan-iyo di pasa Bukittinggi-pasa rami hari Rabaa-baru bacarai rang barampek-Fatimah baduo jo suaminyo-kawan-nyo pai jo mandehnyo.
Kan iyo Sutan Karangan-lah tibo di pasa rani-dibawo bini bajalan-jalan-maliek-liek pasa rami-mamandang toko bapintu- pintu-isi nan sarek jo dagangan-dihiliakan juo pajalanan-tapasah ka Kampuang Cino. Satantangan toko Ramona-tampak kawan- nyo dek Sutan Karangan-nan bagala Sutan Maralauik-bajalan sairiang jo bininyo-nanonyo Neti disabuik urang. Baru basobok Sutan Karangan-kan iyo jo kawannyo Sutan Maralauik-lalu basalam kaduonyo-salam harek salam salamat-karano lah lamo indak basuo. Sanan bakato kawan Sutan Karangan, "Pabilo garan Sutan pulang-laikoh sanang-sanang sajo-salamo dalam parantauan.
Manjawab Sutan Karangan, "Lah ampek hari hambo di kam- puang-insya Allah barakat doa-hambo nan lai salamat sajo."
Sadang batutua-tutua nantun-kecek lah banyak tangkumari -kununlah Sutan Karangan-mato mancaliak padusi kawan-ba- baju suto guntiang katebe-tampaklah langan mahati pisang- baju yukensi sirah jambu-saparo dado tasingkok sajo-tabokak sabagian buah dado. Pungguang tasimbah di balakang-lihia balon-
90
