tin rantai ameh-baju nan senteng singgan lutuik-kok datang angin mahambuih-tasingkok paho dek singkekayo. Abuak karitiang jatuah ka bahu-mamakai reben kacomato-bibianyo sirah bagincu-tantang pipi tasirah pulo-pakaian sarupo nyonya-nyonya- nyonya-nyonya ka pai dansa-itu nan rancak di mato Karangan-titiak saleronyo mamandangi.
Kununlah Sutan Karangan-bakato-kato di dalam hati, "Mujua bana kawan babini-dapek padusi pandai mamakai-kok iko garan bini den-alangkah sanang paratian." Dibandiang dangan Siti Fatimah-nyatolah bini padusi kampungan-urang kampuang nan totok bana-lah malang tibo di badan-lah mujua tibo di utang-baitu pandangan Sutan Karangan. Sambia bakato dalam hati-mato tak lapeh ka si Neti-bini kawannyo Sutan Maralauik-dicaliak pulo Siti Fatimah-bini awak sagalo babungkuih-sanggua nan licin indak nampak-kulik nan kuniang lah tahandok-muko saketek nan tasingkok-pakaian ka surau nan dipakai-indak katuju dek Sutan Karangan.
Birawari Sutan Karangan-sajak ketek inyo di Medan-manu- ruikkan mamak pai marantau-mamak bagala Sutan Kayo-baraja manggaleh jo mamaknyo. Dek untiang takadia Allah-Awak ga- dang maniak barpulang-mati nan indak rago sakik-dapek pusako sabagian pulang ka kampuang pai babini-bini carian mandeh kanduang-indak sasuai jo salero. Awak lah nyato gadang dirantau-tingga di kota nan rami pulo-kutiko ketek lai sikola-sayang sake-tek mangaji indak-didikan agamo indak batampuah-islam sakadar merek sajo. Kununlah nagari Medan-nagari rami urang dagang-baniacam bangso nan maunyi-adatlah lamo tak bapakai-lah tingga budi taratik sopan-hereng jo gendeng tak basıro-hiduik sarupo tak bamalu-saroman ayam di lasuang sajo-dima ka sasuai jo si Fatimah. Piia parangai jaleh baluka-Siti Fatimah anak rang kampuang-hiduik di lingkuang agamo jo adat-Sutan Karangan lah jadi rang kota-iyo bak cando kato papatah-sarupo pasangan di bawo ka biliak.
Kan iyo Sulan Maralauik-kawan lamo Sutan Karangan- sungguah bukanti jo bakawan-pandapek balain surang-surang- mancaliak bini Sutan Karangan-sampo guru sikola agamo-naiak
91
