gensi pado piroman-bakato-kato di dalam hati, "Iko padusi nan elok bana-awak rancak leh alim pulo-kok dapek bini den saroman iko-bara ka sanang paratian-dunia akirat samo tabawo."
Dibandiang-bandiang jo si Neti-anak nan gilo-gilo baso-lah lamo tingga di Jakarta-bapakaian suko maniru-niru-adang sarupo padusi jangak-pikia pandapek Sutan Maralauik. Iyo juo bak kato urang-kapalo samo babulu-pandapek balain-lain-pangana sabanyak awak.
Birawari Sutan Karangan-duo jo Sutan Maraluik-dek lamo batutua-tutua-lah panek bahandai-handai-lalu bapisah hanyo lai-samo bajalan bapasangan-iyo jo bini masing-masiang. Indak lamo antaronyo-alah salangkah duo langkah-lah tigo langkah pajalanan-bakato Fatimah ka lakinyo-bakato balambek-lambek, "Konon-lah bini kawan awak tu-ditiliak pakaian nan dipakainyo-orat sajo samato-mato-gadang dosonyo di sisi Tuhan. Haram kurajo nan bak kian-malangga parentah Tuhan-malampaui Jarangan Nabi. Karano manuruik hadis Nabi-padusi orat samato-mato-indak buliah badan ditampakkan-kacuali muko jo tapak tangan."
Mandanga kato nan bak kian-galak tasunguik Sutan Karang- an-manjawab sambia mancam ceh, "Urang nan usah dicikaraui- apo dibueknyo liek sajo-parkaro hadih nan kau sabuk-jarang dipakai urang kini-sajak nagari alah mardeka-indak saruipo jaman kuno-kini rang awak alah maju-salangkah saayun tangan-samo-samo jo bangso asiang-baiak Eropa Amerika-kok duduak lah samo randah-kok tagak lali samo tinggi. Urang tak suko jaman tajajah-pakaian caro maso kumpani-kodek baganti jo rok mini kok indak sarawa jengki-baitu maju urang kini. Lorong kapado Tuhan kito-Inyo mancaliak hati manusia-kok balilik banalah muko-balampih-lampih tungkuih kapalo-kalau pangana manarawang-mato nan lia ke nan bujang-Tuhan nantun kan tahu juo.Baitu pulo sabaliak lui-pokuknyo hati leh barasiah-di Tuhan ka tantu juo-eloklah uruh diri-sandiri-urang nan usah dijagoi," katonyo Sutan Karangan, bakato sumbia bapantun,
"Buah palo di dalam peti
pisang mudo dalam katanyo
92
