Maso mudo puehkan hati
lah tuo apo ka dayo."
Mandanga kato suaminyo-laantok Siti Fatimah-indak tantu nan ka jawabnyo-balain bana pandapek hati-jauah manyimpang dari agamo-ka dilawan bana badebat-takuik suami kok marabo- hanyo mandoa pado Allah-bari pitunjuak ka nan bana.
Tarantang jalan Padangpanjang
ka kida ka Pandai sikek
ka suok Batu Palano
Jokok dirantang namuah panjang
elok dikumpa dipasingkek
diambiek sado nan paguno
Birawari Sutan Karangan-alah bajalan kian-ku mari-manca- liak-caliak pasa rami--duo jo bini Siti Fatimah-niasuak pulo ka toko kain-dibali kain jo baju-pai pulo ka toko ameh-dibali subang cincin ameh-ka untuak bininyo Siti Fatimah. Lorong kapado Siti Fatimah-indak ado banyak kahandak-apo dibalikan ditarimonyo-ditarimo jo suko hati-indak sarupo jo rang lain-kok laki baru pulang marantau-sambuai sajo nan takana-banyaklah kandak ka suami. Siti Fatimah nan elok laku-nyatolah untuk bataratik-dituruikkan sajo kandak suami-banyak pambalian nan tabawo-basyukur inyo kapado Tuhan-sarato tarimo kasi ka suami.
Salasai bajalan mambali-bali--alah turaso litak paruik-masuak ka tapau makan nasi-lah sudah minun jo makan-lah puch pola bajalan-jalan-mancaliak pasa nun rami-makasuik pulang inyo lai- dicari bendi dek Sutan Karangan-bendi rancak kudonyo gapuak-kusianyo ramah elok baso-lalu dinaiaki malah bendi-kudo digantieh dek kusianyo-barangkek Sutan Karangan-duo jo Siti Fatimah-maninggakan pasa nan rami manuju pulang hanyo lai.
Alah sahari duo hari-alah sapakan duo pakan-lah cukuik pulo sabulan lamo-lorong kapada Sutan Karangan-lah akan
nak babaliak-iyo ka rantau kota Medan. Taraso buna langang di kampuang-hati nan indak sanang lai-duduak tahabuang surang-Surang-rang kampuang asik jo karajo-pai ka sawah jo ka ladang-
93
