nan tuo-tuo tingga di rumah-baa ka dapek lawan baiyo. Ka tatap sajo di rumah bini-tak pulo dapek nan kandak hati-Fatimah banyak pantangannyo-duduak baradat tagak baradat-taraso bana tapawik langkah. Alah tasuo bak papatah-sakandang balain baun-sabiduak balain arah-lain urang balain awak-itu sababnyo nak babaliak. Kato putuih mukasuik sampai-indak ado batangguah lai-barangkek malah Sutan Karangan-iyo ka Medan tanah Deli-dek lamo lambek di jalan-lah sampai ka tampek tujuan-taraso lapang kiro-kiro-sananglah hati jo pikiran.
Balain bana jo nan tingga-kan iyo Siti Fatimah-rusuah bara- muak dalam hati-sadang sayang laki bajalan-bajalan raso bagageh-gageh-iyo bana bak pantun urang,
Sajak paningga Sutan Karangan-hati Fatimah tak elok lai- duduak tamanuang tagak tamanuang-takana suami tah bajalan- kasiah jo sayang nan tatun tuang. Kok indak malu kamiluan- amuah manuruik ka ma pai-ibo bana badan bacarai-sangack tagamang ditinggakan-sadang di dapua manangih juo.
Untuak paubek-ubek hati-untuak parintang-rintang rusuah-didukuang anak dibuaikan-diayunkan sambia badendang-nyanyi nan tinggi-tinggi randah-dendang dibawo kato hati-usahkan rusuah nan tau bek-hatambah nisuah anyo lai. Tabayang rupo Sutan Karangan-raso maimbau di halaman-adang dituruik ka jandela-satupun indak kalihatan-babalik ka ruang tangah-dibuaikan anak jo hati hibo-kasiah jo sayang dikalahkan.
Rami lah pasa di Malako
94
