Tapak leman daun pagaran
diambiak ka ubek gigi
Takilik iman Sutan Karangan
mancaliak rupo Nilasari
Tabek bapaga jo kamuniang
sinan bamain ikan rayo
Banyaklah gadih nan putiah kunjang
si Nila sajo nan mandayo
Kan iyo si Nilasari-anak cadiak leh galia pulo-tahu bana inyo di rancaknyo-alun bakilek lah bakalam-base Karangan lah kanai hati-alah maalun tantang itu. Tapikia pulo dek Nilasari-Sutan Karangan urangnyo mudo-awak rancak leh baharato-disangko inyo bujang juo-apo salahnyo kok dilawan-lawan bagarah bakuncan-tiok hari inyo lah datang-tiok datang pakaian batuka-digendeng juo jo suduik mato-bagai manikam ulu hati.
Api api tabang ka daun
dari daun turun ka banto
Indak Karangan mati dek racun
mati digeleng suduik mato
Sajak batapuak leh babaleh-gadanglah hati Sulan Karangan- indak ditantang ka banyak abih-dibari kain ka baju-untuak dipakai Nilasari-diagiah pitili ka balanjo-bara ka sadang tak tabateh.Lorong kapade Sutan Karangan-duo jo gadih Nilasari-tiok patang nampak bajalan-bajalan baduo-duo-pai manonton basuko hati-asa bajalan jo si Ja-indak takana pitih ka habil-hari Minggu ka Pantal Camin-mancaliak ombak di tapi pasia-bajalan jo motor sedan. Kadang-kadang pai ka Parapat-mandi-mandi di tapi danau-ka ma katuju dek Nilasari-ka sinan pai kaduonyo-asyik bagurau pagi patang-indak ado bahati susalı.
Manduduik işok timbakau
asok mandulang ka udaro
Maso hiduik dunia dikusau
alah tuo apo ka dayo.
96
