Tiok minggu bajalan-jalan-pai mandi balapeh hati-sampai pulo ka Kualo Deli-mandi-mandi malah di sanan-sano bagurau kaduonyo.
Kununlah Sutan Karangan-indak dibaliak sanangnyo hati- kini lah dapek nan katuju-dapek bana nan kandak hati-sasuai pin-tak jo pinto-hati nan gadang bakapanjangan. Sampai mangecek-ngecek surang-bakato dalam hati sajo.
"Kok si Nila ko jadi bini den-bara ka sanang paratian-pucuak dicinto ulam tibo-gadih nan indak kakampuang-kampuang elok dibawo tangkumari-amuah ka tangah jo ka tapi," katonya Sutan Karangan-bakato untuak diri surang.
Dek lamo maso bajalan-habih hari baganti hari-habih pakan babilang pakan-lah bara bulan ka lamonyo-Sutan Karangan jo Nilasari-sadang dilamun-lamun ombak-sadang dimabuak kasiah sayang-labo jo rugi tak dietong-habihlah gali dek galitik-habihlah biso dek biaso. Dek lamo lambek nan bak kian-bak mangbungkuih tulang jo daun taleh-nan tulang tasumbua juo-bak maandokkan barang nan busuak-namun nan busuak babaun juo. Tiok alam mambari bakeh-tiok karajo baakibat-tahulah urang ka sadonyo-sampai barito ka bapak mandeh-bapak mandeh si Nilasari-bahaso anak bamainan-baintaian jo urang Padang Konon tasabuik Sutan Karangan-antali moh apo karajo nyoalun diusua di pareso.Dalam sahari duo hari-dicaliak anak diparatikan-barubah tingkah dari biaso-lah suko duduak mamancia surang-lah banyak lalok muntah-muntah-lah cameh mandeh Nilasari-kalau-kalau anak kok dalam barek.
Kononlah mandeh si Nilasari-lalu diimbau anak kanduang- duduak baduo-duo sajo-bakato babisiak-bisiak-bakato jo hati ibo-antaro berang dangan bangih, "Anak kanduang si Nilasari-nandeh tiliak mandeh pandangi-dalam sahari duo nangko-lain bana kurenah anak-tingkah bak urang dalam barek-muko pucek badan kok latial-lalok bak urang kadamaman-ditambah pule jo mutah-mutah. Apo koh garan nan tajadi-pihak di badan diri anak-cutai papakan bakeh mandeh-tarangkan usah baduto duto-mak sanang pulo ati mandeh." Mandanga kato mandeh kanduang-manangih si Nilasari-
manangih bahati hibo-aia mato gurak gumarai-manangkuik ka
97
