pangkuan mandeh-bakato sadang manangih-dikaku salah pado mandeh. Sasa dahulu pandapatan-sasa kudian tak paguno-nasi nan alah jadi bubua-indak dapek dikadang lai. Dek ulah manuruik-kan hati mudo-bateh-batehnyo tak dikana-pargaulan bebas tak babateh-hala jo haram tak dikaji-ibilih mandayo tak tahalang- napasu sajo dituruikkan-kini lah buntiang mangko manyasa.
Mandanga pangakuan anak kanduang-takajuik mandeh maso itu-disasakkan juo dek mandehnyo-sia koh garan nan baulah. Nilasari mangaku sajo-Sulan Karangan urang Padang-nan baka- dai di pasa rami-dek ulah lamak pujuak rayu-hati nan samo suko pulo-di sinan setan mamasuaki.
Sanan bamanuang mandeh si Nila-sasa nan tumbuah dalam hati-anak nan kurang bajagoi-apo kahandak dipalakukan-apo dimintak bari sajo-ka ma ka pai tak balarang-picayo sajo ka anak kanduang-karano inyo alah gadang-lah tantu dangan buruak baiak -disangko indak ka sarupo Iko. Kini ko anak dipangakan-ka dibunuah inyo kok mati-ka diusia sayang tak abih-pusiang kapalo mamikiakan-tatumbuak agak dikaluahkan-dinantikan apak si Nila-pulang karajo dari kantua-dibawo etongan jo mupakat-baa ka rancak ka eloknyo.
Lah tibo bapak si Nila-lah pulang inyo dari kanta-lah su- dah minun jo makan-alah maisok sabatang chio-sanan bakato mandeh si Nila-manyampaikan maro nan lah tibo-pihak kapado badan diri--anak kanduang si Nilasari-anak nan manjo sajak ketek-tapi kini baru lah gadang-karajo buruak nan dibuek-mambari malu bapak mandeh.
Lorong kapado bapak kanduang-hati bangih bukan kapalang
-tapi ka sia dikatokan-ka disalahkan bini tak manjagoi-disalahkan anak lah talanjua-disalahkan urang anak pun salah-lamo sabanta dek tamanuang-dibawo mupakat malah bini-untuak mancari jalan kalua-malu di urang kok leh taandok. Dek lamo lambek ba-bincang-Sutan Karangan leh tantu pulo-pihak di umua leh sapadan-kok tampannyo baitu pulo-di bandiang jo Nilasari-sayang karajo tak pagawai-indak sasuai jo mukasuik. Niat hati mancari minantu-urang pagawai tinggi pangkaek-kini ko iko nan basu –supayo nan busuak tak babaun-buruak bunyi pacah barito-elok-
98
