lah dikawinkan sajo-Sutan Karangan jo si Nila-tapi saketek nan marusuah-Sutan Karangan kok lah babini-elok di pujuak dilunaki-walau harimau dalam paruik-ka muko bia kambiang juo.
Birawari bapak jo mandah-putuih mupakat maso nantun- di bari tahu pulo famili-dicari unang nan ka diutuih-manamui Sutan Karangan-handak mananyoi ka minantu. Pado hari nan lah ditantukan-dilapeh utusan dari rumah-manamui Sutan Karangan-utusan bajalan banyo lai-iyo ka kadai Sutan Karangan. Dek lamo lambek di jalan-lah tibo garat di saman. Alah sabanta duo banta-kecek mangecek sapatah duo-lalu disampaikan malah mukasuik-disabuik saman nan laraso-sapan bakato utusan nan datang, "Manolah Sutan Karangan-kadatangan kami ka mari nangko-gadang mukasuik nan dijalang-dilapeh urang tuo-tuo-dan pihak si Nilasari-handak manjapuik Sutan ka minantu-ka suami si Nilasari-di ateh suko bapak jo mandeh."
Mandangu kato nan bak kian-galak baguma Sutan Karangan-suko hati sanang pikiran-tasuruah di urang ka pai-taimbangan di urang ka datang-batarimo suko parmintaan-indak batangguah jo babaso. Pado hari-sahari nantun-dikarang janji jo buatan-baralek hari Sinayan-kira-kiro sapakan lai-ditakuak-kan janji nikah kawin, Kato sudah janji dibuek-pulang babaliak malah utusan pulangnya dangan suko hati-manyampaikan janji nan di-karang-mangatokan padan nan diukua-kapade bapak je mandeh-bapak jo mandeh Nilasari.
Lorong kapado Sutan Karangan-ruso dikuyak hari sapakan.
Sapakan ruso sa tahun-dikandakkan malah baju baru-baju jas nan maha bali-sarato sarawa sapalagak-untuk dipakai jadi panganten-bara harago tak ditupang-raso di bibia tapi cawan awak ka jadi marapulai-minantu urang bapangkaek. Tabayang rumah mintuo-rumah gadang sarupo istano-sagalo nan tampak dalam rumah jo-pakakeh kurisi meja tamari-indak ado nun murah bali-barang nan baluih ka sadonyo. Di sampiang runsalı bakandang oto-oto sedan nan mode baru-di rumah ado ba pambantu-ado bajongos jo bakoki-pendeknyo mintuo urang kayo-taraso awak lah kayo.pulo. Baitu pulo kakak si Nita-lakinyo Jaksa di Laudaral-nan ka ipa Sutan Karangan-Jaksa Landarat kota Medan-pambayan iya
99
