lai koh di dokek iko, mako mandangau surang diri, di dalam hutan rimbo rayo ko," katonyo Bujang Juaro.
Sanan manjawek urang tuo tu. "Nak kanduang janyo hambo, kok itu ang tanyokan, aluran ka badan diri hambo. Bamulo hambo ka mandangau, lah posai lauk mandarek, lah posai bailia mudiak. Kok di lauk ang tanyokan, lah posai bakalang ombak, lah cukuk dilamun buiah. Lauk mano nan tak ditompuah, pulau mano nan tak dijalang. Lah pueh badan ka mari poi, baiak dusun jo nagori, lah sampai ka mano-mano. Tapi samantang pun baitu, nan dicari indak dapek, nan mukasuk olun buliah, tapi badan lah tuo juo. Diraso indak kamungkin, balaia indak lai kamungkin, bajalan indak lai ka bisa. Dibuek dangau di hutan, sambia nak manyanang-nyanang diri, untuak manyunyi kiro-kiro. Alah barapokoh lamonyo, hambo di dalam rimbo ko. Asa coliaklah dek Buyuang, asa pandanglah dek kalian. Coliaklah tanam-tanaman, pandanglah buah-buahan. Mantimun lah godang-godang, lado lah baitu pulo, mantimun malanang bungo, toruang lah ayun-ayunan, jaguang lah maampai buah, karambia lah banyak pulo. Asa pandanglah dek ang, salamo hambo di dangau, hati sonang pikiran sunyi, hati suko niat lopeh. Nan dimakan lai cukuk, nan diminum lai samparono, apo niat tak tahalang, ado asia kasadonyo. Kini baitulah dek ang, pihak nan dari hambo ko, rajin-rajinlah batanam, tanamlah nan elok-elok, kasihinilah sado nan bapucuak, sayangilah kapadonyo, nak salamat badan ang," katonyo urang dangau tu.
Lah pueh baandai-andai, lah posai bakoba-koba, lah maujuk minum makan, lah salosai nan bak itu, makan lah konyang minum lah puch, hari lah loruk rombang sonjo, hari lah malam, juo. Pihak di diri Bujang Juaro, saroto Sutan Lembang Alam, baiak dek diri urang dangan tu, lalu bakato nan jadi, "O Buyuang nan baru datang, Nak ai nan baru tibo, kok lotiah Buyuang bajalan, kok takantuak badan dirí, eloklah tidua lai kini, bisuak siang kito barundiang.
Pihak di diri Bujang Juaro, "Kok baitu kato Datuak, iyo pulo tu kironyo.'
Lah lolok batigo tigo, sasaat lolok nan jadi, dalam sonang sunyi sajo, kira-kiro pukua tigo, tasintak Bujang Juaro, tadonga bunyi jauah-jauh hampiang, tadonga bunyi tinggi-tinggi rondah, oguang lah mandayu-dayu, talempong lah indak baninak, gondang
90
