dangau tu.
"O, buyuang janyo hambo, apo sobab karononyo, apo jo asa usua, mako kalian nan bak nangko. Takah urang dek poniang, takah urang laku mabuak, apo sabab karononyo, cubo torangkan bakeh hambo, nak sonang dalam hati, sojuak dalam kiro-kiro," kato urang dangau tu.
Manyahuk Bujang Juaro, "O, Tuak janyo hambo, kok itu Datuak tanyokan, mako hambo dapek pingsan, mako hambo dapek poniang, nan dicari olah dapek, nan diama olah pocah, nan dituju olah sampai. Tapi saketek nan marusuah, lai samiang nan mancomeh, nan diusuk. indak buliah, nan diamna indak pocah, apo sabab dek bak itu. Aluran diri si Banilai, anak Tuanku Maulana Karim, sado nan Datuak sabuk tu. Pihak di diri si Banilai, inyo tunangan ambo, sati lah sajak di rumah, sajak di koto Hindustan. Tapi nan sakarang kini nangko, o, Tuak apo aka hambo, cubo torangkan bakeh hambo, cubo torangkan dek Datuak, nak sonang dalam hati, sunyi di dalam kiro-kiro."
Aluran diri Bujang Juaro mamintak sipat ka urang dangau, sinan bakato urang dangau, "O. Buyuang janyo hambo, kini co itu lah dek ang, Buyuang coliaklah ka kian, Anak jalanglah ka sinan, ingeklah alua patuknyo, pandanglah laku kurenahnyo. Kok tak dapek nan bak itu, hambo aja ang pituah, hambo tunjuakkan ang kaji. Carilah nasi ateh aia, di situ ang mamintak, di sinan doanyo hambo ajakan."
Dek diri Bujang Juaro, lah sudah doa ditarimo, inintak izin hanyo lai. "O Tuak janyo hambo, kini baitulah dek Datuak, izin kan denai hanyo lai, nak sonang di dalam hati, nak sunyi di kiro-kiro. Datuak tolong hambo jo doa," katonyo Bujang Juaro.
Mako manjawek urang dangau tu, "Molab co itu janyo ang. Anak bajalanlah kini-kini."
Alah poi Bujang Juaro, olah sabonta inyo bajalan, lah duo bonta nyo bajalan, lah tibo goran di sanan, eten di urang nan tami tu. Rami urang indak lai tabado. Rajo mano lai nan tak datang. sutan nan mano lai nan tak tibo. Lah tibo Bujang duaro, lah tibo di tangah galanggang, lah basuuo jo diri Tungga Galanggang
“O, Tungga janyo hambo, aluran diri badan kami, nak manompuah dunia siko, nak manuruk alun patuk, apo lai kami kadapek," katonyo Bujang Juaro. Manyauk Tungga Galanggang, "O, Buyuang tanyo hambo,
93
