kok itu pintak ang, pintak lai ka buliah, kondak lai ka balaku," katonyo Tungga Galanggang.
Pihak di diri Bujang Juaro, saroto Sutan Lembang Alam, lah nyo poi ilia jo mudiak, lah nyo pikiri pakanankan, dalam galanggang nan leba tu. Patuk toruh nyo bataruah, manyabuang lah nyo taruhi, barambuang lah nyo turuki, sagalo pamainan lah dimasuki.
Pado saat maso itu, pihak di diri Bujang Juaro, tiok bamain tiok kalah, tiok bataruah tiok kalah. Tiok dimintak wakatu kamanangan, hutang indak namuah mambaia, kalah indak nyo manimbang. Lah kacau isi galangang, babagai koba di sanan, lah dek doga mandogakan, lah babagai parundiangan, lah kusuk isi galanggang. Lah togak Tungga Galanggang, dihimbau urang nan bagaduah tu, apo sobab karanonyo. Baapo asa usuanyo, dikabakan urang di sanan. Kok itu nak ditanyokan, aluran urang datang ko, nak manggaduah galanggang ko. Hutang indak nak mambaia, kok kalah indak manimbang, kalah nan tak namuah mambayia,"katonyo urang nan banyak.
Lah manjawab Tungga Galanggang, "O, Buyuang janyo hambo, baa co itu kurenah ang, bajalanlah ang dari siko, Buyuang tak buliah lai disiko," katonyo Tungga Galanggang. Lah ditulak dek rang nan banyak, lah diusia dek Tungga Galanggang.
Lah poi Bujang Juaro, duo jo diri Lembang Alam. Lah poi nyo bajalan, lah sarontang pajalanan, duo rontang pajalanan, sampai ka Lubuak Mato Kuciang, aia nyo joniah bukan kapalang. Lah poi inyo di sanan, baranti inyo nan jadi. Lah duduak Bujang Juaro, saroto di Lembang Alam. Duduak bamanuang juo, takona pituah guru, iyo Datuak rang paladang. Lah nyo pasang doa sakali, mamintak sanan nan jadi. Kondak lai ka balaku, pintak lai kabuliah, nan diputa angin limbuhu, nan dimintak angin torang, rampuak rampak rumpuk rantai, nan tajulai ateh batu, niat kandak kok tak sampai, datanglah Sari Banilai. Saru lah barulang-ulang, pintak lah bakali-kali.
Dek diri Sari Banilai, manyontak ka ampu kaki, mandonyuk ka ubun-ubun. Hati indak lai tatahan, rusuah indak loi takiro, jatuah badorai aia mato, lah tobik tangisan diri, manyosa Sari Banilai, "Untuang buruak untuang badan, nan buruak komah nan tatariak, nan elok nan lah tatulak, baapo hanyo nasib hambo." Dek diri Sari Banilai, baiak dek Bujang Juaro, lah raso doa mukabua, pintaknye raso ka buliah, dipakuaiknyo manyaru. Dek koreh
94
