Halaman:Kaba Minangkabau 1.pdf/110

nan tak datang, Sutan mano nan tak tibo, datang puti nan batujuah. Dek diri Sutan Duano, anaknyo Sari Banilai, lah sonang di dalam hati, lah sunyi dalam kiro-kiro, codiak bak diaja, godang bak diambuang-ambuang, awak rancak baiak laku. Dek diri Sari Banilai, pado hari sahari tu, tarogak nak poi bajalan, didukuang Sutan Duano, bajalan-jalan ka tobiang, eten ka tabiang Paninjauan. lah tibo goran di sanan, pandang jauah nyo layangkan, pandang hampia nyo tukiakkan. Marinai-rinai di sanan, dek sonang basuko-suko, hari rancak angin barombuh, olah jatuah poniang Sutan Duano, tangih indak lai tatahan, tangihnyo taisak-isak, diantokkan indak antok, dijujai indak lai golak, tangih indak lai talawan. Tapi samantang pun baitu, dek diri Sori Banilai, rusuah lai tatahan, dicoliak anak manangih, nyo mamintak di sanan, mamintak-mintak Banilai,

Aluran pamenan hambo, pamenan anak kanduang hambo, lah jatuah masuak lauk, pintak ko lai ka buliah, kandak kok lai ka balaku. Koriang kontang lah kau danau, kondak hambo nak man- japuk anak kanduang hambo, iyo banamo Sutan Duano," katonyo Sari Banilai.

Aia nan indak kunjuang susuk, angin indak kunjuang sunyi, dek diri Sari Banilai, diangkekkan pandukuangan, dituruk kan masuak aia, maronangi lauk nan godang tu. Dek sayang kapado anak, dek kasiah kapado anak, tangih nan indak dapek diantokkan, dek diri Sari Banilai, lah baronang-ronang rupo. Ilia bakacimpuang kaki, mudiak bakacimpuang tangan, nan pamenan indak doh dapek, tangih indak doh taantokkan, tangih lah babuah-buah, rusuah lah batimpo-timpo. Pintak lai ka makobua, kondak lai ka balaku, aia lah baransua susuk, sakali inyo mamintak sakali aia susuk, Duo kali inyo mamintak, duo kali aia susuk, lah hampia saparo kariang. Dek diri Sari Banilai, barambuih angin di kiri, barombak angin di badan, sarato galombang turun. Mandanguang angin bukik rimbo, malansia aka barayun, tatumbuak ka Bukik Jambu, taompeh Sari Banilai. Talantak kaki kananyo,

99