eten di pinggang Bukik Jambu. Allah babuek sakandaknyo, lah lakek kaki Sari Banilai, kaki lah manjadi batu, mamintak-mintak disanan, Ya Allah ya Rasulullah, pintak hambo kok mukobua, kandak kok lai balaku, janji lah hambo tapati, pintaklah hambo paturukkan, lah sonang ibu jo hapo, lah suni karik jo kabiah.
Janji lah hambo langkahi, sati lah hambo lalui, iyolah badan manjadi batu. Lah jaleh badan jadi batu, di puncak gunuang Bukik Jambu ko," kato nyo Sari Banilai. Lah jadi batu hinggo lutuk, lah mamintak nan di sanan, pintak kok lai ka buliah, sagalo pakakeh nan di rumah, nan hambo tinggakan, takalo hambo kabajalan, lapiak baguluang hambo tinggakan, datanglah lapiak ka siko, nuk sonang di dalam hati, nak basamo kito jadi batu. Baikpun tumbuang padi, datang pulolah ka mari, nak samo jadi batu. Pintak buliah kondak balaku, lah manjadi batu ka sadonyo.
100
