Maaf nan indak tainggoan
dari rambuik ka ampu kaki
barih kok ado sumbang salah
maukua nan indak samparono.
Kami nan ketek mudo matah
pangaja nan balun samparono
Tabek Panjang nagari Baso
di sinan tampek tingga kami
mancubo sakali nangko
manyusun kalompok tani
Mano kito nan mudo-mudo
sagalo sanak jo famili
kito jago kampuang basamo
nak ilang maliang jo curi
Bajago usah dilalaikan
kalau lalai kito nan rugi
hanyo sakitu den katokan
eloklah randai dimulai
Ampunlah kami niniak mamak
disusun jari nan sapuluah
maaf kami mintak banyak-banyak
kapado sanak jo sudaro
Rumah sikola Simpang Lurah
nan ka kida jalan ka Baso
kami nan ketek mudo matah
baru mancubo sakali nangko
Maaf dimintak banyak-banyak
kapado sanak jo sudaro
randai kan kami bao tagak
suni dunsanak nan basamo
dangakan kami sakutiko
107
