Pandang malah di labuah korong
bairiang basamo-samo
bacudan baduo-duo
bak balam tabang sakawan
bak katitiran duo sasangkak
sarupo lai saroman tidak
tampan sacaro urang barat
lagak sarupo banso asiang
kok iduik tiru-maniru
parangai salah, maaliah kabudayaan kito
Kok basuo bagurau bakucikok
babaua jo samo gadang
ado papatah mangatokan
caliak caliak lawan mandi
aso kasiak kaduo pantai
katigo ondan dari ulu
caliak-caliak kawan bakanti. Nak
aso cadiak kaduo pandai
katigo anak pangulu
nan tantu dikieh kato bandiang
tau di arih kato sampai
takilek ikan dalam ate
lah tantu jantan batinonyo
tau di ujan ka manabak
Lau di paneh ka malatuih
kalau barundiang samo awak
elok jo patuik ka dikaji.
lyo bana pantun anak mudo
asiang lagaknyo kudo bendi
kusia bagala Sutan Basa
panek mandaram mangguritiak
darap maantam babarih panjang
ikua tagak talingo kipik, Nak
ikua sarupo urai pulo
asiang lagaknyo nak gadih kini
lakek kodeknyo manyapu labuah
sarupo kudu bendi
Halaman:Kaba Minangkabau 1.pdf/122
↓Laman ko alah sah
