bajalan arah manakua
kiri kanan urang tak nampak
nan jauah tampak baginyo
O, Upiak Kambang Malati
kalau tingga di korong kampuang
tau dipakau rabah tagak
pandai barago jo barandai
baraja bacucuak tanam
bapak litak musti dikana
mandeh auih musti dipikiri
kok suami musti dimuliekan
Jikok basuami Anak isuak
kok pulang suami dari jauah
sambuiklah jo muko nan janiah
paliekkan hati nan suci
Jikok sairiang Kambang basamo
jikok kito agak taguluik
mintaklah izin nak daulu
Nan kuriak iolah kundi
nan merah iolah sago
nan baiak iolah budi
nan indah iolah baso
Kok ado urang lalu linteh
di halaman pintu kaporo kito
imbau jo baso urang nan lalu
maminum aie nan sadaguak
mamakan nasi agak sakapa
Baitu adaik Bundo Kanduang
tak bisa dikisa lai
sajak di rahim bundo kanduang
sajak samulo rang daulu
tak mungkin diubah lai
112
