parentah datang bakeh kito
datang nan dari Payokumbuah
Parentah tak dapek kito tupang
datang nan dari Tuangku Mandua
jujuang titah jo parentah
sanggah tak dapek dipikiri
Kok tibo latiah jo palak
baranti kito sakutiko
pakarangan siapo nan lah samak
mintaki dando ka sadonyo.
Pono Jabok dubalang ambo
parentah tak dapek kito tupang
kito bajalan kini juo
paruik kito sadang kanyang
Situjuah Batua kito masuaki
lalu kito ka Situjuah Gadang
Tuangku Mandua gagah barani
tampek kito bainduak samang
Pono Jabok usah bapikia
Sipaik dubalang diingati
dando kok indak ka inyo baia
anyo dimasukkan ka dalam tansi
Dan itu buliah untuak kito
ka balanjo tiok hari
kito bajalan kini nangko
sabalun matoari alun tinggi.
Parentah datang dari ateh, Nyiak
datang nan dari Payokumbuah
parentah Inyiak indak den bantah
saketek indak den mungkiri
114
