Tuanku Mandua inyo mamarentah
saketek indak nyo disanangi
masuak kito ka Situjuah Batua
taruih kito ka parak urang.
Parak nan samak kito dando
nan punyo parak kito bangihi
pitih dando untuak kito
untuak balanjo tiok hari
Pitih balanjo pun tak sadang
anak bini mamintak pulo
den pakai sipaik dubalang
sia malawan masuk tansi
Sia nan engka kito dando
nan salah indak diampuni
samantaro hari alun tinggi
kito bajalan hanyo lai
Lareh Situjuah:
Pono Jabok urang nan bagak
barani manantang musuah
latiah badan taraso palak
baranti kito di nan taduah
Ambo baranti lah di siko
sabab tibo auih jo lapa
bajalan Pono sakutiko
maliek urang mauruih parak
Ambo nan indak bajalan
den nantikan Pono di siko
pakarangan nan indak babarasiahan
minta dando kapado inyo.
Pono Jabok:
Inyiak Lareh urang nan arif
Arif budiman hijaksano
bajalan ambo surang diri
barantilah Inyiak nan di siko
115
