AP: Ndak baa doh, sabanta no.
K: Kalau lamo mek tagak, ndak pandai pinggua den idudukan.
AP: A... pinggue idudukkan? Ijan pinggua ntun.
K: O... mantun Jadih!
AP: A tolah.
K: Jadih.
AP: Manolah kawan nan baduo
O Kacak jo Bujang Iman
Salamo kito batani nangko
lah salamaik apo ditanam.
Ditanam padi lai manjadi
ditanam jaguang baitu pulo
sajak kito tingga batani
rakyat aman kampuang santoso.
Marilah kito basamo-samo
Kito tanam kalompok tani
dicari pamuda sabanyaknyo
sia nan amuah manyukoi.
Kalau lah ado kalompok tani
tanah nan kosong abih ka sadonyo
pupuak lah ado maso kini
kok bibik lah ado pulo
Samantaro kito batani
itiak jo ayam paliharo pulo
untuak balanjo satiok hari
untuak anak cucu kito.
Kulik manih kok ditanam
kok cangkeh baitu pulo
tanamlah pukai nan jo palam
itu ka baka sampai tuo.
Buah-buahan jan lai lupo
Tanamlah limau dan jo tabu
Halaman:Kaba Minangkabau 1.pdf/130
↓Laman ko alah sah
