siriah dibari bapamegang
bapamacik kato biaso
Bajalan kito di nan tarang
nak sakato kito basamo
sayik diagiah bapamegang
batimbang tando malah kito
Kok siriah alah bakunyah
kok kato alah batarimo
ikolah karih nan sabilah
maklumlah Datuak tu andaknyo
Angku Datuak Mangkuto Sinaro
urang nan mulia di nagari
karih sabilah alah batarimo
ambo tarimo jo suko ati
Dek adaik sajak daulu
tabang biaso batimbalan
baso tak dapek kito maniru
itulah nyato parbuatan
Kok adaik sajak daulu
kok tapuak biaso babaleh
hanyo kito tingga maniru
kok putuih mintak diuleh
Sananglah raso kiro-kiro
sajuaklah raso dalam ati
karih sabilah lah batarimo
cincin sabantuak panukari
Cincin sabantuak panukari
sanangish rano dalam ati
apo di Datuak nan takiro
ambo tarimo suko ati
Kalau baitu kato rangkayo
sananglah raso dalam ati
180
