Dituju dandang ka sanan
dandang tibo api lah ilang
galap gulito pamandangan
Tadampa dandang di sanan
di ateh puncak Lenggopuri
sampailah papatah maso kini
di malah titiak palito
di balai telong nan batali
di malah asa niniak kito
di puncak gunuang Marapi
Sirauik bari baulu
diasah baru bamato
lautan sajo daulunyo
kini manjadi pulau nangko
Sinan sirangkak nan badangkang
sarato buayo putiah daguak
di bawah batu ampa putiah
itulah bukik Patah Patigo
itulah bukik Patah Sambilan
banamo bukik Siguntang-guntang
Itulah bukik indak barangin
lurah nan indak baraia
di bawah Labuhan Sitimbago
Dek niniak rang tuo kito daulu
dibuek sawah gadang satampang baniah
makanan urang tigo luhak
sambah jo rundiangan
nan tibo lah kapado Datuak
Bana bak andai kato bida
ramo-ramo sikumbang jati
Katik Endah pulang bakudo
adaik pusako baitu juo
197
