Aluran diri Datuak Giriak
lalu manyambah maso nantun
iyo kapado Angku Mandua
panggilan apo tu kironyo
Sembai ai nan sadiah den di nyo
Lalu didiri Angku Mandua
titiak ukum lai Datuak Giriak
sipakan diri tiok ari
tolong sampaikan
Aluran diri Datuak Giriak
sadang di kantualah tu kini
jatuah ukuman satu bulan
lah manangih badan di tansi
Bak capek putaran maso
nan lah sampai satu bulan
Datuak Giriak lah buliah pulang
sanang ati urang di kampuang
Lab tibo inyo di kampuang
nan haguo jo Sutan Nan Kawi
dibuek mupakaik maso nantun
nun mangadukan angku Lareh
lah sembai tolong sampaikan
Dibuek surek duo pucuak
nan dikirim ka Padang jo Batawi
lah Tuan oi tolong sampaikan
Surk datang panggilan tibo
manyuruah japuik Angku Lareh
lalu bajalan maso nantun
nan lah tibo di Payokumbuah
lalu bakalo Angku Mandua
Aluran diri Inyiak Lareh
lalu diusua dipareso
200
