bapitih ndak pantang kurang, iyo bakain bapantang cabiak, pai daulu pulang kudian, baitu bana urang pangulu Ndeh. Itu nan pan-tagan anibo bana, elok dialiah jo nan lain Ndeh."
- "Den suruah waang jadi parewa Nak."
- "Jadi perawa lai mujua bana Ndeh, tapi tak murah urang pa-
rewa, urang parewa di pintu susah Ndeh, susah nan tibo tiok ari,seso nan tibo tiok malam, jauah jo ampiang disilau juo, barek jo ringan dipikua juo Ndeh, kalau nyo kalam carian suluah, kalau-nyo ujan carian tuduang, Ndeh usahkan dapek kato nan bana, berang jo bangih nan tasuo Ndeh, baitu bana urang parewa'.
Jadi dubalang Ndeh katuju bana, tapi tak murah urang du- balang Ndeh urang dubalang di pintu mati, pagi di pintu kandang urang deh, lalok bakalang jo tanah batu, ikua bakalang jo pisau tajam Ndeh, inyo nan pueh Ndeh awak nan abih, baitu bana urang dubalang Ndeh, itu nan pantangan ambo bana, elok Ndeh aliah jo nan lain.
"Tasarah waang pado pamin Nak, den cari pitih babilang ra- tuih, pitihnyo ado babilang ribu Nak. Mano galanggang nan tadanga rami, sinanlah waang mamuta dadu, pandai mancabuik karateh koa, pandai mambulang taji ayam, sabuang tabulang taruhan ayam, main Nak kanduang sampai manang.'
Sanan manjawek Jumbang Muhammad, "Mandeh den juo janyo ambo, jadi pamain ntu jadi pulo, tapi tak murah urang pamain, urang pamain di pintu bansaik, nyampang kok manang si badan diri, iyo bapitih nan sabalik pinggang, iyo bakain rimi di badan, nyampang kok malang si badan diri, pitih lah abih kain tagadai, kanakkan baju sahinggo siku, la barek pulo iyo dek pa-numbok saruangkan sirawa nan sainggo lutuik, la barek iyo dek panumbok, bakain karuang baterak terai, deta sagadang tali ayam,tiok ka pulang sanak la banci, tampak jauah nyo saokkan pintu,siang pauni palak rampak, siang pauni lai dangau tingga, siang bamato dek bakokolai. Dek mandanga urang babuek naha, awak saurang nan kanai dakwa, itu nan pantangan bujang bana, elok Ndeh aliah iyo jo nan lain."
Sanan manjawek si Mandeh kanduang, "Cilako bana waang oh malang bana waang yo Jumbang, la malang yo Jumbang, bana mande baranak, sabanyak itu pangaja mandeh, ciek nan indak waang iyokan, sado wae nan indak waang turuik, cilako bana waang yo Jumbang. Kini baitulah dek Nak kanduang, asa ka duo
209
