gang Nak, tarimo daulu pangaja ayah, mintalah izin labiah daulu Nak, mintaklah izin ka kampuang nan tigo, kampuang banamo katigonyo Nak, kalau nan tuo Rajo Babandiang, kalau di tangah Rajo Maharam Nak, iyo nan kaciak Sitinjau Lauik, mintalah izin pai mangaji Nak, mintaklah izin pai badagang, lauik sati rantau batuah Nak, mintak izin iyo ka bajalan."
Konon di ati si Malin Jombang, Jumbang bajalan ka kam- puang nan Tigo, ganok sarantang-rantang di jalan, cukuiik duo rantang iyo pajalanan, cukuik katigo yo rantang panjang. Satalah tibo di kampuang nan tigo, dimintaklah izin ka Rajo Babandiang, rumah nan gadang barando satu, lapehlah Jumbang pai mangaaji, diminta izin ka Rajo Maharam, rajo nan tinggi manyarah sajo, di- mintak izin ka Sitinjau Lauik, tabang mambubuang rangkiang padi, izin lah buliah pintak jo pinto. Jumbang bajalan ka rumah Bundo, alun sabatang paisok abih, satalah tibo Jumbang di rumah, jatuah pituah di ayah kanduang, "Mano Nak kanduang si Malin Jumbang, dangakan daulu pangaja ayah, lauiknyo sati rantau batuah Nak, kalau ka iyo ka pai mangaji, pakai bana adat bada- gang Nak, pakai bana sifaik marantau, kalau manyauak di ilia- ilia, kalau bakato di bawah-bawah kalau ang duduak di lakang- lakang, iyo nan kaciak dikasiahi, kalau nan tuo dipamulia Nak, baitu adaik badagang, elok lahianyo di rantau urang Nak, kanalah awak urang badagang, kanalah awak urang rantau Nak, kanalah awak dagang malaraik, kanalah awak dagang musikin Nak, kanalah awak dagang manompang, jaweklah dek ang tapak tangan den Nak, baruik ka muko sampai ka dado, sapuluah jari sapasang ta- ngan Nak," iyo nan suok manjawek salam, iyo nan kida maapuih aia mato." Jumbang bajalan ka pai mangaji, Jumbang bajalan ka Lawang Kuniang, duo jo adiak Malere Suri, tigo jo Mandeh Kasua Tabantang.
Panek sarantang-rantang di jalan, cukuik ka duo rantang di jalan, cukuik katigo rantang panjang, sanan bakato mandeh kan- duang, "A wai Nak kanduang Malere Suri, dangakan bana dek Anak kanduang, dangakan bana ambo tunjuaki, Anak ai sijan- jang-janjang, sarang marak karantiang pauah ujanpun jaan paneh pun jaan, alamaik dagang ka bajalan jauah."
Bajalan jauah iyo nan lai, cukuik katigo rantang panjang, bakato pulo Kasua Tabantang, "Anak kanduang den kaduonyo, bakain panjang kampua tu mera, satangah lusuah pandukuang juo,
211
