Bukan kumbari-kumbari sajo Guru
buek salacuik daun ilalang.
Bukan kumari-kumari sajo Guru
gadang mukasuik nan ambo jalang.
Manyarahkan Jumbang ka mangaji, Guru, manyarahkan mangaji jo sumbayang, aja dek Guru jaleh-jaleh Guru, aja dek Guru batua- batua, kok untuang lakeh apo lanca, kok untuang lakeh Kuraan tamaik, gilo mangaji jo sumbayang, jan badabui iyo samo gadang."
Bana diambiak dek Imam Mudo, ambiak lah api baka kuma- nyan, doa dibaco dek Imam Mudo, bakato pulo Kasua Tabantang, doa ditampuang basamo-samo, rundiang abih dibaco sampai, adaik tapakai sarak batampuah, Jumbang ka tingga di Lawang Kuniang. Mandeh ka baliak pulang ka kampuang, bakato pulo nan saulang lai, "A wai Nak kanduang si Malin Jumbang dangakan bana pang- aja mandeh, mandeh ka pulang waang ka tingga, jaweklah dek ang tapak tangan den, baruik ka niuko sampai ka dado, sadang ba- salam mandeh bakato, "Inoklah inok di rantau urang, baiaklah baiak di kampuang urang, pakaian bana adaik badagang, lauiktan sati rantau batuah, kalau manyauak di ilia-ilia, kalau bakato di bawah-bawah, kalau Nak ang duduak di lakang-lakang, baitu bana badagang, jaan badongkak sasamo gadang, kok untuang lakeh kaji ang dapek, kok untuang lakeh Kuraan tamaik, gilo mangaji jo sum- bayang, jaan badamaik sasamo gadang.'
Sampai bajawek tapak tangan mandeh, tangan nan kanan manjawek salam, tangan nan kiri maapuih aia mato, Jumbang lah tingga di Lawang Kuniang, mandeh babaliak pulang ka kam- puang, etan ka Kubuang Nan Tigo Baleh, di bawah jirak lai jirak mudo, alah saari duo ari, alah sapakan duo pakan, alah sabulan duo bulan, alah satahun duo tahun, alah tigo tahun Jumbang di sinan.
Jaan lai si Jumbang diaja ka mangaji Ndeh, duduak di bawah parian sajo, datang lai sorang maludahi, Tan Iman Mudo maludahi pulo, lah cabiak-cabiak baju di dado, lah kerak-kerai baju di pung- guang, jaan lai si Jumbang kan mangaji, babuni tidak sorang juo.
Sinan bakato si Malin Jumbang, "A wai di Guru Tan Iman Mudo, dangakan bana dek Tuan Guru dangakan bana ambo kato- an, abih lai hari babilang pakan Guru, abih bulan babilang tahun, abih musim baganti musim Guru, lah tujuah tahun dagang di
213
