Bana diambiak dek si Malin Jumbang, diambiak surek lah jolehan. jaleh si Jumbang ka diaja, namun pihak Tan Iman Mudo, sadong mangaji si Jumbang bamanuang, a wai di guru Iman Mudo,
Barimbo juo daun kacang Guru,
rimbo baralun ka udaro
Patuik bana dagang bamanuang Guru,
duduak bamanuang jo sureknyo.
"Ajalah baa ambo mangaji, kalau untuang lakeh kaji ambo ianes, kok untuang lakeh Kuraan tamaik, gilo mangaji anyo si Jumbang, nak jen badompak samo gadang.
Sanan manjawek Tan Iman Mudo, "Manolah waang dagang malaraik. mano la waang dagang cilako, kalau kan io diajakan mangaji Jumbang, pacik la deang tapak kaki den, baruik ka muko sampai ka dado, kok untuang lakeh kaji ang lanca, kok untuang lakeh Kuraan tamaik Jumbang, gilo mangaji ang jo sumbayang.
Bana di ati si Malin Jumbang, sampai nyo baluik tapak kaki guru, anyo barikan dari muko nyo sampai ka tapek kaki. Jum- bang diaja dek Iman Mudo, Jumbang diaja mangaji alif, diaja alif kuraan dapek, kuraan dapek dek si Jumbang. Diaja Jumbang ma- ngaji Kuraan, nan tapasia lah lanca dek Jumbang, diaja Jumbang mangaji nahu, iyo sabanta dapek, nan tapasia alah lanca dek Jum- hang, diaja Jumbang parukunan, sipaik duo puluah dialih dek Jumbang, sampailah pandai Jumbang mangaji, sampailah pandai Jumbang halagu. Jumbang diaja balagu-lagu, inyo ajae balagu Makah, lagu Madinah dapek dek inyo, diaja lagu Madinah, lagu Masie tambuak dek Jumbang, sampai lah pandai Jumbang mangaji, dumbang lah pandai mangaji nahu, Jumbanglah pandai malagu-lagu.
Kaba dialiah ka Mambang Surau, anak guru Tan Iman Mudo, Adok kapado suatu hari, hari nan sadang tangah hari, sadang pun muntak bayang-bayang, sadang pun litak letai badan, sadang pun langang tangah kampuang,sadang pun linduang saliguri, sadang pun htak letai anjiang, sadang pun rami urang di pakan, sadang pun tangang urang di kampuang, Jumbang di surau balagu-lagu, lagu Makah iyo jo Madinah, lagunyo basiadang-adang, suaronyo lanyuik alang kapalang, babuni ganto di awang-awang, buni sarunai iyo biola, buni sarunai pupuik tan kaliang, ba aia ilia tatagun-tagun, buruang tabang talalu karam, angin ilia baliak mudiak. Mandanga-
216
