kan lagu suaro Jumbang, tadayo anaknyo Tan Iman Mudo. Anak. banamo Mambang Surau, gilo batanun iyo manarawang, gilo man- jarum iyo di ateh anjuang, sakali manikam tujuah talampau. Rancak nan bukan alang kapalang, nan bak bulan bapaga bintang, iyo nan rancak bukan kapalang, rambuiknyo panjang bajalai- jalai, iyo panyorong tikikuluak limau, sarang kupalo takanak sanggua, mukonyo bak bulan panuh, pajalanan siganjua lalai. Makan dianta dek sikambang, minum basiram jo aia ambun, mandi basiram jo minyak harum.
Ado kapado suatu hari, mandanga lagu si Malin Jumbang, pangana nan tidak ka tanun lai, tanun kusuik banang lah putih, jarumlah patah pangana pun ilang, mandanga lagu Tuan Jumbang, aia diminum bak raso duri, nasi dimakan baraso sakam, badan baraso bak bayang-bayang, pangana nan indak ka tanun lai. Jikok di guru sasudah makan, disilau anak dek Taniman Mudo, satalah tibo Iman di anjuang, dicaliak anak sadang bamanuang, dicaliak tanunlah kusuik-kusuik, dicaliak jarum lah patah-patah, lalu ba- tanyo Tan Iman Mudo, "A wai Nak kanduang si jantuang ati, awai Nak kanduang sibiran tulang, lubuak hati tapian mato, mano Nak kanduang si Mambang Surau, bari nyo luruih ayah batanyo,
ambo batanyo siluruih sajo Nak, apo sabab tanun kau kusuik, mako dek jarumlah patah-patah, mako dek bananglah putuih- putih, atau dek salah kau batanun Nak, atau dek caliak sirajo-rajo, bari lah luruih ayah batanyo, ambo batanyo sakali koh sajo, kok ado sakik den carikan ubek Nak, kok salah tanun den carikan gantinyo, barilah luruih ayah batanyo." Sanan manjawek si Mambang Surau, "Manolah Ayah kan- duang ambo, dangakan bana Ayah kanduang, dangakan bana batua- batua dek salah ambo batanun, bukan dek salah ambo manjarum, indak dek salah ambo nan lalai, dangakan bana dek Ayah kan- duang. Alah baratuih dagang nan tibo, alah bapuluah Ayah dagang nan pai, saratuih ampek puluah dagang di siko, indak bacando si Jumbang bana, sadang sado dagang bi pai, sadang surang inyo tadi, iyo si Jumbang balagu-lagu, lagu nyo Makah jo Madinah, sa- rato jo lagu Mesir, suaro nyo lanjuik bukan kapalang, buni ganto di awang-awang, aia ilia tatagun-tagun, buruang tabang talalu karam, angin ilia babaliak mudiak, sadang batanun aka lah ilang. pangana nan indak ka tanun lai, pangana kapado suaro Jumbang. Itulah sabab tanun ambo kusuik, itu sabab jarum ambo patah-
217
