buah jo pintak ambo, kok tibo usua jo pareso, jaan dikatokan mati babunuah, katokan mati sampai aja, jan seso Guru paningga ambo."
Bangih di ati Tan Iman Mudo, "Awai dagang nan saratuih ampek puluah, dangakan bana iyo dek kalian, dagang nan datang iyo rami juo, sasian batambah banyak juo, surau batambah sampik juo, elok ka rimbo kito basamo, manabang kayu sabatang surang, elok ka rimbo kito barisuak, manjapuik tonggak ciek su- rang."
Dagang saratuih nan ampek puluah, lalu bajalan nan ka dalam rimbo, Jumbang Muhammad lah pai pulo. Alah sarantang dagang bajalan, cukuik kaduo rantang pajalanan, sarato lah tibo di dalam rimbo, lah masuak rimbo kalua rimbo, basuo bukik alah didaki, basuo lurah alah dituruni, indak doh dapek kayu kan ditabang. Iyo dek Allah mantakadiakan, dapeklah kayu sabatang sajo, kayu nan indak lai gadang bana, pucuak manyisi awan biru, urek manyanda ka tunggak bandue, iyo tigo bulan balun kan rabah. Kayu ditabang dek Jumbang Muhamad, lah limo minik kayu ba- rabah liyau kayu bakato. Lalu ba- timbali, kayukan kato Tan Iman Mudo, "Awai ang Jumbang Malin Muhammad, elok ang layok pandangan jauah Jumbang, tukikkan dek ang pandangan ampiang, baju batanun dandang nyo sudah Jumbang. dunia tak dapek ang liek lai, waang dibunuah sakarang kini, waang cilako den aja mangaji, kaji den ang impik, anak den ang dayo.
Sanan manjawek si Malin Jumbang, "A wai dek Guru Iman Mudo, dangakan banadek Tuan Guru, urang barutang karano dek salah, ambo barutang karano dek bana, ambo dibunuah iyokan mati Guru, relakan bana jariah payah Guru, Gurulah payah mang- aja ambo Guru, sajak di mulo mangaji alih, karano juo ambo ka mati Guru, rilakan bana aia nan taminun, relakan bana nasi nan tamakan, Guru."
Rundiang abih bicaro sampai, Jumbang lah duduk ka bawah kayu, kayu ditimba dek Iman Mudo, kayulah rabah Jumbang taimpik, lah ancua luluah banak kapalo, lah serak serai daging si Jumbang. Lalu bakato Tan Iman Mudo, "Indak si Jumbang ka iduik lai, indak si Jumbang ka pulang lai, indak anak den ka kanai dayo lai indak kaji den ka taimpik, babaliak pulang kito dahulu nak urang. Jumbanglah tingga di dalam rimbo." Dagang babaliak ka Lawang Kuniang, etan ka surau Tan Iman
219
