Ratok si Mambang ba buah-buah, ratok si Mambang baibo- ibo. Mandangakan ratok si Mambang Surau, mandangakan imbau si Mambang Surau, Jumbanglah duduak di tangah rimbo, batam. bah rancak dari nan lamo, labiahlah elok dari nan dahulu, rimbo lah tarang dek cahayo bulan, rimbolah tarang cando siang.
Sudahlah garak takadia Allah, sudahlah untuang den jo ba- gian, Jumbang lah duduak dalam rimbo, sadang manangih lalu bakato, "A wai di Guru Tan Iman Mudo, dangakan bana dek Tuan Guru, Gurunan indak bahati ba jantuang, Guru ba padi ladang sajo, guru nan indak bahati jo jantuang, Guru bahati jo gadang sajo. Di dalam rimbo den Guru tinggakan, tagah dek aja kan balun sam- pai, tagah dek gadang ka balun sudah, iyo dari rumah kan mangaji, tibo di surau Guru dayo Guru, Guru buang ka dalam rimbo. Tagah dek aja ka balun sampai guru, tagah dek gadang kan balun sudah. Elok babaliak ambo ka surau, elok babaliak ka Lawang Kuniang, elok ditulakkan kayu nan gadang, kok untuang inggok ka Lawang Kuniang, buliah koh kayu dek Guru ambo."
Kayunyo renjeng dek jari manih, lah nyo tulakkan jo jari manih, alah mambubuang kayu nan gadang, kayu malayok ka Lawang Kuniang, inggok lah kayu ka laman surau, kayu badabuak babuni ombak, kayu badantuang babuni guruah. Takajuik Tan Iman sadang sumbahyang, iyolah sudah Tan Iman sumbahyang, manjanguak Tan Iman ka tangah ilaman, 'Kironyo kayu gadang alah datang, kayu dari mano iko datangnyo, atau mandasua nan dari bumi, atau mancucue dari langik, sajak samulo adenlah tuo, alun nan ado nan cando iko, antah ko iduik dagang cilako, antah ko iduik si Malin Jumbang, mungkinnyo iduik di dalam rimbo, mungkinnyo duduak ka dalam rimbo."
Balun kan ciek balun kan duo, Jumbanglah tibo di tangah laman. "Awai dek Guru Iman Mudo, dangakan bana dek Tuan Guru; tidaklah ibo Gurutinggakan, tagah dek aja kan balun sampai, tagah dek gadang kan balun sudah, Guru, tagah dek gadang kan ba- lun sudah Guru, babaliak juo dagang ka surau, sajak di rumah kan mangaji Guru, niaik dari kampuang iyo kan mangaji, kini di bao ka dalam rimbo Guru.”
Bangih di ati Tan Iman Mudo, "Indak den sangko ka baliak lai Jumbang, indak den sangko waang kan pulang, babaliak juo waang ka mari Jumbang, awai ang balun agiah aia, litak nan balun den agiah nasi Jumbang, susunlah kayu dek ang daulu, susunlah
221
